ولادیسلاو توروڡِچ
| ولادیسلاو توروڡِچ | |
|---|---|
| جم | 23 اپریل 1908 |
| وفات | 8 جنوری 1980 (72 سال) |
| وجہ وفات | سڑک حادثہ |
| شہریت |  پولینڈ
|
| عملی زندگی | |
| پیشہ | طبیعیات دان |
| پیشہ ورانہ زبان | پولی |
| عسکری خدمات | |
| شاخ | پاکستان ایئر فورس |
| عہدہ | بریگیڈیئر جنرل |
| لڑائیاں تے جنگاں | دوجی وڈی لڑائی |
ترمیم  | |
| Air Cdre Władysław Józef Marian Turowicz | |
|---|---|
| دوجے ناں | ایئر کموڈور ولادی |
| جم تریخ | 1908 |
| مرن تریخ | 1980 |
| وفاداری |  پاکستان برطانیہ پولینڈ |
| نوکری/شاخ |  پاکستان ایئر فورس (1947–1980) رائل ایئر فورس (1930–1947) پولش ایئر فورس (1927–1930) |
| کم دے سال | 1927–1980 |
| عہدہ | ایئر کموڈور |
| جنگاں/لڑائیاں | دوسری جنگ عظیم |
| ہور کارنامے | سپارکو دا منتظم تے چیف سائنٹسٹ |
ایئر کموڈور ولادیسلاو توروڡِچ 1908 وچ سائبیریا دے اک پنڈ وچ پیدا ہوئے ۔ اوہ پاکستان دے میزائل تے راکٹ پروگرام دے بانی نیں۔ آپ اک معروف خاندان وچ پیدا ہوئے ۔ ابتدائی تعلیم توں بعد ہوابازی دا شوق اوہناں نوں وارسا لے گیا جتھے اوہناں نے ایرو سپیس انجینئرنگ دی تعلیم حاصل کیتی ۔
ہور تعلیم جاری رکھی تے 1926 وچ اعلیٰ اعزاز دے نال ڈاکٹریٹ دی ڈگری حاصل کیتی۔ دوسری جنگ عظیم رائل ایئر فورس وچ لڑی ۔ 1948 وچ پولینڈ دے بگڑدے حالات دے ہیش نظر فوجی افسران امریکا کینیڈا تے آسٹریلیا ول ہجرت کر رہے سن ۔
اوہناں نے اپنے ہور 45 ساتھیاں سمیت پاکستان ایئر فورس وچ شامل ہونے دا فیصلہ کیتا۔ آت نہایت قابل افسر سن تے ترقی کر دے ہوئے 1959 وچ ایئرکموڈور بنا دتے گئے۔ 1965 دی انڈوپاک جنگ وچ لاہور دے دفاع وچ اہم کردار ادا کیتا تے فیر کچھ عرصہ دے لئی پاکستان ایئر فورس دے ائیر مارشل وی رہے۔ 1966 وچ تہانوں سپارکو دا سربراہ لایا گیا۔ آپ نے ڈاکٹر عبد السلام دے نال مل کے ایوب خان نال ملاقات کیتی، انہاں آمادہ کیتا کہ پاکستان دا خلائی تے راکٹ پروگرام ناگزیر اے۔ ایوب خان دی آمادگی ملدے ای آپ تے ڈاکٹر عبدالسلام امریکا روانہ ہوئے تے نہایت کامیابی نال ناسا نوں تعاون دے لئی آمادہ کر لیا۔ بغیر وقت ضایع کیتے سونمیانی بلوچستان وچ مصنوعی سیارے داغنے دا مرکز قائم کیتا،تے ستر دی دہائی دے اختتام تک پاکستان راکٹ سازی وچ کافی ترقی کر چکیا سی۔ آپ دی بیوی زوفیا توروڡِچ پاکستان دی پہلی خاتون پائلٹ سن ۔
ولادیسلاو توروڡِچ 8 جنوری 1980 نوں کراچی وچ اک بظاہر کار حادثے وچ ملک دشمناں دے ہتھوں شہید کر دتے گئے ۔ اوہناں نوں پورے فوجی اعزاز نال کراچی دے مسیحی قبرستان وچ سپرد خاک کیتا گیا ۔ ضیاالحق نے اس حادثے دی تحقیقات نوں پس پشت پا دتا ۔ ایئر کموڈور ولادیسلاو توروڡِچ ستارہ قائد اعظم، ستارہ پاکستان، ستارہ امتیاز نال نوازے گئے سی ۔