وفاقی اردو یونیورسٹی

وفاقی اُردو یونیورسٹی
Federal Urdu University
دیس : پاکستان
نیوں ورھا : 1949
یونیورسٹی درجا : 2002
قِسم : سرکاری
مرکزی کیمپس : اسلام آباد
کیمپس : 3
چانسلر : صدر پاکستان
وائس چانسلر :
رجسٹرار :
تدریسی عملا : 450
پڑھیار گِݨتی : 13500~
رنگ : لال, ہرا, چٹا
            
ویب سائیٹ : [۱]

وفاقی اُردو یونیورسٹی پاکستان دی اک سرکاری وفاقی یونیورسٹی اے ۔ ایہدا مرکزی کیمپس اسلام آباد تے دو کیمپس کراچی وچ نیں ۔

تعارف سودھو

سابق سربراہ ہائر ایجوکیشن کمیشن ڈاکٹر عطاءالرحمن دیاں ذاتی کوششاں نال سابقہ وفاقی اردو کالج برائے سائنس (گلشن اقبال کیمپس) تے سابقہ وفاقی اردو کالج برائے فنون و تجارت (مولوی عبدلحق کیمپس) نوں ترقی دے کے وفاقی اردو یونیورسٹی برائے فنون، سائنس و ٹیکنالوجی دا قیام عمل وچ لیاندا گیا ۔ 13 نومبر 2002ء نوں صدر پاکستان جنرل (ریٹارڈ) پرویز مشرف نے وفاقی اردو یونیورسٹی دی باضابطہ بنیاد رکھی ۔ اس ویلے یونیورسٹی دے 3 کیمپس : گلشن کیمپس کراچی، عبدلحق کیمپس کراچی تے اسلام آباد کیمپس کامیابی نال علم دے فروغ وچ اپݨا کردار ادا کر رہے نیں ۔

پچھوکڑ سودھو

بابائے اردو مولوی عبد الحق نے اپݨی زندگی اردو زبان دی ترقی تے ودھاء لئی وقف کر رکھی سی ۔ ایہ اوہناں دیاں کوششاں دا نتیجا سی کہ کراچی وچ 1949 وچ اردو کالج قائم کیتا گیا ۔ کراچی دے علاقے صدر دے کول اک اردو کالج دی بنیاد رکھی ۔ جیہدا مقصد اردو وچ اعلا تعلیم دے رستے کھولݨا سی ۔ اس توں بعد اس کالج دے نال منسلک ، گلشن اقبال وچ اک اردو سائنس کالج قائم کیتا گیا جیہدا مقصد سائنسی علوم نوں اردو زبان وچ فروغ دینا سی ۔ 1970 دے دہاکے وچ ذوالفقار علی بھٹو نے نیشنلائزیشن دی پالیسی شروع کیتی تے ایہناں دوواں کالجاں نوں وی نیشنلائز کر لیا گیا جیہدے بعد اردو کالج، وفاقی اردو کالج وچ بدل گیا ۔ وفاقی اردو آرٹس کالج تے وفاقی اردو سائنس کالج نوں ضم کرکے 13 نومبر 2002 نوں صدر پرویز مشرف نے صدارتی حکم نال وفاقی اُردو یونیورسٹی دا درجا دے دتا ۔ ایہ پاکستان دی پہلی یونیورسٹی اے جیہڑی بنیادی طور تے اردو وچ تعلیم دیندی اے ۔

کیمپس سودھو

وفاقی اُردو یونیورسٹی دے 3 کیمپس نیں :

1۔ گلشن اقبال کیمپس، کراچی 2۔ مولوی عبدلحق کیمپس، کراچی 3۔ اسلام آباد کیمپس

کھیتر سودھو

  • عبدلحق کیمپس بابائے اُردو روڈ، کراچی (پراݨا ناں وفاقی اُردو کالج)
  • گلشن کیمپس گلشن اقبال روڈ، کراچی (پراݨا ناں وفاقی اُردو سائنس کالج)
  • اسلام آباد کیمپس, سیکٹر G-7/1، نزد زیرو پوائنٹ, اسلام آباد (2003 وچ بݨیا)