نجم الدین ایوب
نجم الدین ایوب یاں نجم الدین ابن شاذی (انتقال:9 اگست1173ء) کرد نسل دا اک سپاہی ، سیاستدان تے فاتح بیت المقدس صلاح الدین ایوبی دا پیؤ سی ۔
پہلا جیون
سودھونجم الدین ایوب ، شاذی ابن مروان دا پتر تے شیر کوہ دا بھائی سی ۔ اسدا تعلق کرد قبیلے روادیہ نال سی ۔ شاذی دے آل شداد نال فریبی تعلقات سن تے 1130ہ چ اینہاں دی حکومت دے خاتمے مگروں ایہہ پہلے بغداد تے بعد چ تکریت چلا گیا ۔ جتھے اسنوں علاقے بہروز نے حاکم مقرر کر دتا ۔ شاذی دے مرن مگروں نجم الدین ایوب نے اپنے پیؤ دے تھاں تکریت دی گورنری سمبھالی ۔
1132ہ چ ایوب نے زنگی ٹبر لئی خدمات انجام دتیاں تے تکریت دے نیڑے سلجوق سلطان دے خلاف جنگ چ حصہ لیا ۔ نجم الیدن نے دریائے دجلہ عبور کر کے عماد الدین زنگی دے بھائی دی جان وی بچآئی ۔ 1136ہ چ شیرکوہ نے تکریت چ اک سعائی نوں قتلکر دتا ، جس تے دونہاں بھائیاں نوں جلاوطن کر دتا گیا ۔ آکھیا جاندا اے جس رات اینہاں نے تکریت نوں چھدیا اوسے رات نجم الدین دے گھر پتر جمیا جسدا ناں یوسف رکھیا گیا ، ایہو یوسف بعد چ صلاح الدین ایوبی دے نان نال سارے جگ چ پہچانیا گیا ۔
عماد الدین زنگی نے نجم الدین نوں بعلبک دا گورنر مقرر کیتا پر جدوں 1146ء چ دمشق دے بوری اتابک معین الیدن نے اسنوں فتح کر لیا تے نجم دمشق آ گیا ۔ دوجی صلیبی جنگ دے دوران نور الدین زنگی نے شہر فتح کر کے ایوب نوں دمشق دا گورنر مقررکیتا ۔