مہیندر سنگھ ٹکیت

مہیندر سنگھ ٹکیت
جم	6 اکتوبر 1935   مظفرنگر
وفات	15 مئی 2011 (76 سال)  سیسولی
وجہ وفات	ریڑھ کا سرطان
طرز وفات	طبعی موت
شہریت	بھارت (۲۶ جنوری ۱۹۵۰–) برطانوی ہندستان (–۱۴ اگست ۱۹۴۷) ڈومنین بھارت (۱۵ اگست ۱۹۴۷–۲۶ جنوری ۱۹۵۰)
جماعت	جنتا دل
عملی زندگی
پیشہ	کسان

مہیندر سنگھ ٹکیت (6 اکتوبر 1935 – 15 مئی 2011) بھارت دے اتر پردیش راج دے مغربی کھیتر وچ اک مشہور کسان آگوُ سی۔ اوہ 1935 وچ اتر پردیش دے مظفرنگر ضلعے دے پنڈ سسولی وکھے پیدا ہویا سی۔ اوہ بھارتی کسان یونین دا پردھان سی اتے وزیر اعظم چودھری چرن سنگھ توں بعد کسانی دے "دوسرے مسیحا " وجوں جانیا جاندا سی۔

ٹکیت دی 75 سال دی عمر وچ ہڈیاں دے کینسر نال 15 مئی، 2011 نوں مظفرنگر وچ موت ہو گئی سی۔

خطاب

ٹکیت دا خاندانی خطاب ستویں صدی دے بادشاہ ہرشوردھن ولوں اسدے پروار نوں دتا گیا سی۔ ادوں توں ایہہ خطاب پروار دے وڈے بیٹے نوں دے دتا جاندا اے۔

ٹکیت اپنے پیؤ دی موت توں بعد اٹھ سال دی عمر وچ بالیان کھاپ دا چودھری بن گیا سی۔

لیڈرشپ

ٹکیت 1987 وچ اہم شخصیت بن کے ابھریا جدوں اسنے مظفرنگر وچ اک تحریک دا انعقاد کیتا جس وچ کساناں لئی بجلی دے بلّ معاف کرن دی منگ کیتی گئی سی۔

بوٹ کلبّ ریلی

ٹکیت دا سبھ توں شاندار مظاہرہ 1988 وچ دلی دے بوٹ کلبّ دے لائناں وچ ہویا سی جدوں مغربی اتر پردیش دے تقریباً پنج لکھ کساناں نے وجے چوک توں انڈیا گیٹ تک پورے کھیتر اتے قبضہ کر لیا سی۔ جدوں تک سیاسی دباء نے بہت زیادہ نہیں زور نہ پھڑیا، ادوں تک دلی دی اقتدار اڑی رہی اتے اک ہفتے بعد، راجیو گاندھی سرکار نے اوہناں دا 35-نکاتی منگ چارٹر منّ لیا جس وچ گنے دے ودھ ملّ اتے کساناں لئی بجلی اتے پانی دے خرچے معاف کیتے جانے شامل سن۔

لکھنؤ، 1990

جولائی 1990 وچ، ٹکیت نے لکھنؤ وچ دو لکھ توں ودھ کساناں دے نال روس مظاہرہ کیتا، اتے اتر پردیش سرکار توں گنے دے اچے بھاء اتے بجلی بکائے وچ بھاری چھوٹ لئی کسان منگاں نوں منن لئی زور دتا۔ دباء دے دائپیچاں نے کم کیتا اتے اس ویلے دی جنتا دل- نینترت سرکار منگاں اگے جھک گئی۔

لکھنؤ، 1992

1992 وچ، ٹکیت 10 ہزار روپئے تک دے کساناں دے قرضے معاف کرن دی اپنی منگ دے لئی مڑ لکھنؤ وچ اک مہینے تک چلن والی دھرنا پنچائت کرن لئی آ گیا۔ اسے سال، اسنے غازیہ آباد وچ اک کسان زمین معاوضہ تحریک دی شروعات کیتی، جس نال کساناں دی ایکوائر کیتی زمین لئی ودھیرے معاوضے دی منگ کیتی گئی۔

بجنور، 2008 - مایاوتی خلاف ٹپنیاں

ٹکیت نوں کئی وار گرفتار کیتا گیا سی، آخری وار 2 اپریل 2008 نوں اتر پردیش دی وزیر اعلیٰ مایاوتی دے خلاف 30 مارچ، 2008 نوں بجنور وکھے اک ریلی دوران اپمانجنک اتے جاتی مشتمل ٹپنیاں کرن دے الزام وچ گرفتار کیتا گیا سی۔ اسدی گرفتاری لئی اس دے پنڈ دے دوآلے گھیرابندی کرن لئی 6,000 ہتھیاربند پولیس ملازماں دی تیناتی کیتی گئی سی۔ وزیر اعلیٰ نوں معافی منگن توں بعد ہی اسنوں رہا کیتا گیا سی۔ بعد وچ معاملے عامَ وانگ ہو گئے، مایاوتی نے اک شوک سندیش وچ، ٹکیت نوں اک "کساناں دا سچا اتے وچنبدھّ آگوُ" دسیا۔

گوترے دے اندر ویاہ دی مخالفت

ٹکیت نوں اپنی جاتی دیاں روایتاں اتے سبھیاچار وچ پکا یعقین سی۔ اسنے سپریم کورٹ دے فیصلے دا خلاف کیتا جس مطابق اکو گوتر دے لوکاں وچالے ویاہ صحیح سن۔ جس مطابق اکو گوتر دے لوکاں وچالے ویاہ صحیح سن۔ “اسیں نیتک اصولاں مطابق جیؤندے ہاں اتے عجت دی کسے وی قیمت تے راکھی کرنا ہندی اے۔ اکو گوتر ویاہ وبھچار ہن، کوئی وی سماج اس نوں قبول نہیں کریگا۔ تسیں ساڈے توں اجیہا کرن دی امید کیوں کردے ہو؟ وبھچار مریادا دی النگھنا کردا اے اتے پنڈ واسی اوہناں دی مریادا دی رکھیا لئی جان لے لیندے ہن جاں جان وار دندے ہن۔”

ایہہ وی ویکھو

• شرد اننتراؤ جوشی
• راجو شیٹی

حوالے

باہری لنک

• اینائیسی وکھے سرکاری جانکاری