مصر دی لڑائی (658)
ویلہ: 658
لڑائی دی تھاں: مصر
نتارا: علی دی ہار
لڑن والے
معاویہ: علی

مصر دی لڑائی مصر چ 658 چ عمرو ابن العاص تے علی دے گورنر محمد بن ابی بکر دے وشکار ہوئی۔ ایدے چ معاویہ دے کمانڈر عمرو ابن العاص نوں جت ہوئی۔

کیوں ہوئی سودھو

خلیفہ عثمان نوں مدینہ چ قتل کرن تے اودے قاتلاں نوں ناں پھڑن تے عرب مسلماناں چ پھوٹ پے گئی۔ خلیفہ علی نے کسے عدالت چ ایناں قاتلاں نوں انصاف دے کٹہرے چ ناں لیاندا تے ہور اگے ایناں قاتلاں دی سرپرستی کیتی ایس گل تے عرب مسلمان علی دے خلاف ہوگۓ۔ پیغمبر اسلام دی ٹبری عائشہ تے ہور صحابیاں نے نیاں دی مانگ کیتی۔ نیاں ناں لبن تے بصرہ عراق کول انصاف منکن والے عرباں تے یلی دیاں فوجاں وشکار اونٹھ والی لڑائی ہوئی۔ ایس دے مگروں شام دے عرب مسلمان سردار معاویہ نے وی نیاں دی مانگ کیتی ایس گل تے صفین دی لڑائی ہوئی جیہڑی بنا نتارا رئی۔ ایدے چ مسلماناں دیاں دونوں ٹولیان نے صلح تے امن ل‏ی اک ثالثی کمیٹی بنائی۔ ثالثی کمیٹی نے علی نوں راج توں لا دتا پر علی نے اپنی ہی منی ہوئی کمیٹی دے فیصلے نوں ناں مندیاں ہویاں راج چھڈن تون منکر ہو گیا۔ مصر چ علی نے اپنے مترۓ پتر محمد بن ابی بکر نوں گورنر بنا کے پیجیا۔

لڑائی سودھو

علی دے ثالثی تے راج نوں چھڈن توں ناں کرن تے مصر نوں اپنے ہتھ چ لین تے اوتھے محمد بن ابی بکر نوں اپنا کورنر بنان تے شام دے عرب مسلمان سردار نے اپنے کمانڈر عمرو ابن العاص نوں 6000 فوج نال مصر ٹوریا۔ عمرو ابن العاص نے محمد بن ابی بکر نوں پھڑ لیا۔ محمد بن ا بی بکر تیسرے خلیفہ عثمان دے قتل چ وی رلیا سی ایس لئی اونوں عمروبن العاص نے قتل کردتا۔ مصر علی ہتھوں نکل کے معاوہ کول آگیا۔ ایس تون پہلے عمروبن العاس ای اوہ صحابی سی جینے مصر تے عرب مسلمانان ولوں مصر تے پہلی واری مل ماریا سی۔

ہور ویکھو سودھو