مدینہ دا گھیرا

مدینہ دا گھیرا
عرب بغاوت
ویلہ:	1919-1916
لڑائی دی تھاں:	مدینہ، سلطنت عثمانیہ
نتارا:	شریف مکہ تے سلطنت برطانیہ دی جت
لڑاکے
خلافت عثمانیہ:	سید حسین بن علی ہاشمی شریف مکہ

مدینہ دا گھیرا اک لڑائی دا ناں اے جیڑی سلطنت عثمانیہ تے بنو ہاشم قبیلے دے سردار سید حسین بن علی شریف مکہ دے وشکار ہوئی۔ اے لڑائی مدینہ تے مل مارن لئی ہوئی جیڑی اک کعیرے چ پلٹ گئی۔اے کعیرا 1916 توں لے کے 1919 تا ریا۔

1914 نوں پیلی جنگ عظیم ٹری سلطنت عثمانیہ تے سلطنت برطانیہ ایس لڑائی چ اک دوجے دے ویری سن۔ ترک فوجاں انگریزاں تے اودے ساتھیاں نوں بغداد تے گیلی پولی دیاں تھاواں تے ہرا چکے سن۔ انگریزاں نے سیاست تے چلاکی نال کم لیندیاں ہویاں بنو ہاشم قبیلے دے سردار سید حسین بن علی شریف مکہ نال یاری لائی جیڑا اوس ویلے مکہ دا سلطنت عثمانیہ ولوں گورنر سی۔ شریف حسین مسلماناں نال غداری کردیاں ہویاں انگریزاں نال رل گیا۔ لارنس آف عربیہ انگریز جسوس اودے نال سی۔ 10 جون 1916 نوں جدوں مکہ چ تھوڑی جنی ترک فوج رہ گئی سی تے زیادہ گرمی باجوں ٹھنڈی تھاں طائف چلی گئی سی۔ مکہ چ خلافت عثمانیہ دے خلاف بغاوت کردتی۔ مکہ دی لڑائی باجوں مکہ خلافت عثمانیہ دے ہتھوں نکل گیا۔

مکہ تے مل مارن دے نال ای شریف حسین دیاں فوجاں نے اودے پتراں دی سرداری چ مدینہ تے چڑھائی کردتی۔ پر مدینہ دا ترک فوجی گورنر جرنل عمرفخرالدین پاشا لوۓ دا چنا ثابت ہوی ۔ اونے پوری تیاری کر لی سی تے بنو ہاشم دیاں فوجاں نوں مدینہ چ وڑن توں روک دتا۔ ایناں فوجاں نے فیر مدینہ دا کعیرا پا لیا اے کعیرا جولائی 1916 توں ٹریا تے 1919 تک ریا۔

فخری پاشا پکا مسلمان تے لڑاکا جرنیل سی۔ اونے تے ترک فوج نے مسجد نبوی جا کے روضہ رسول دے سامنے کھڑے ہوکے سوں کھادی جے اوہ مدینہ تے روضہ رسول لئی لڑن گے تے کسے حالت چ وی انگریزاں دی ساتھی سید جسین بن علی شریف مکہ دی فوج دے اگے ہتھیار نیں سٹن گے۔ کعیرا لگا ریا۔ 1916 لنگ گیا۔1917 لنگ گیا۔ فخری پاشا نے ہتھیار نہ سٹے۔1918 آگیا۔ ایدے انت چ پیلی جنگ عظیم مک گئی۔ سلطنت عٹژنیہ نے ہتھیار سٹ دتے پر فخری پاشا روضہ رسول مسجد نبوی تے مدینہ جلافت عثمانیہ دے غداراں نوں دین نوں تیار نیں سی۔ ترک خلیفہ تے سلطان دے بار بار کین تے وی فخری پاشا تے اودے محمدی(ترک فوج دے سپاہی نوں اسلام تے رسول پاک نال محبت دی وجہ نال محمدی یعنی نکا محمد وی کیا جاندا سی)

9جنوری 1919 نوں استمبول دے بار بار کین تے تے اپنے سنگی ترک افسراں دے کین تے۔ ۂڑائی روک تی۔۔ فخری پاشا تے ترک فوج نے مدینہ چھڈ دتا تے ایناں نوں بندی بنا لیا گیا۔ مدینہ چ شریف حسین دی فوج آگئی۔

ہور پڑہو

بارلے جوڑ

مدینہ دے کعیرے تے ویب ےائٹ Archived 2010-01-02 at the وے بیک مشین