لہور دے باغات

لہور نوں باغاں دا شہر وی آکھیا جاندا اے۔ مغلاں دے دور چ ایتھے وڈی گنتی چ باغ ھندے سی جنہاں چوں کافی سارے ٹیہ گئے نیں تے کج باقی رہ گئے نیں۔ شالیمار باغ مغل بادشاہ شاہجہان دے دور چ بنایا گیاسی۔ اے باغ اوس جنت دے خیالی نقشے تے بنایا گیا اے جیدا ذکر قرآن پاک چ اخیرلی حیاتی دے بارے چ کیتا گیا اے۔ باغ دا نقشہ چوکور شکل دااے۔ لارنس گارڈن 1862ء چ بنایا گیا تے ایدا اصلی ناں ویویں صدی چ انڈیا دے انگریز وائسرائے سر جان لارنس دے ناں اتے رکھیا گیا اے۔ مقامی لوک اینوں باغ جناح وی آکھدے نیں۔ اے باغ 112 ایکڑ(5۔0 مربع کلومیٹر) دی تھاں اتے بنایا گیا اے۔ باغ جناح لہور دا مشہور نباتاتی باغ اے۔ اے باغ 141 ایکڑ(75۔0 مربع کلومیٹر) تکر پھیلیا ھویا اے۔ ایتھے شغل میلہ، کھیڈا تے اک لائبریری دی سہولت وی ھیگی اے۔ لہور چ ہور وی وڈے تے مشہور باغ تے پارک ھیگے نیں جناں چوں اقبال پارک، حضوری باغ، موچی باغ، گلشن اقبال پارک، ریس کورس پارک، ماڈل ٹاؤن پارک، ناصر باغ، جلّوپارک، چھانگہ مانگہ پارک تے وائلڈ لائف پارک شامل نیں۔