دریاۓ فرات
دریاۓ فرات ترکی شام تے عراق وچوں وگن والا اک دریا اے۔
ناں
سودھوفرات دا ناں پرانے فارسی لفظ افراتو توں نکلیا اے ۔ کجھ ماہراں دا کہنا اے کہ فرات کرد بولی دا لفظ اے ، کرد زبان چ "فر" دا مطلب جوڑا تے "ری" دا مطلب وگدا پانی تے "ہات " دا مطلب وگنا اے ۔ اس طرح "فرریہات"دا مطلب وڈے پیمانے تے وگدے پانی دے نیں ۔ کرد زبان چ دریا دا جدید ناں فرات ایسے پرانے لفظ چوں نکلیا اے ۔
دریا دا مڈھ تے سفر
سودھودریاۓ فرات نیڑے تریڑے 2 ہزار 780 کلومیٹر لمبا اے ۔ ایہہ دو شاخاں کارا مغربی فرات تے مراد مشرقی فرات نال مل کے بندا اے ۔ کارا موجودہ مشرقی ترکی توں ارض روم دے شمال چ آرمینیائی سطح مرتفع چوں جدوں کہ مراد جھیل وان دے شمال چوں کوہ ارارات دے جنوب مغرب ۃوں نکلدا اے ۔ دریاۓ فرات کھائیاں تے گھاٹیاں توں ہندا ہوئیا جنوب مغربی شام توں عراق چ داخل ہندا اے قبور تے بلغ دریا مشرقی شام چ دریاۓ فرات چ ڈگدے نیں ،اس توں تھلے ہور کوئی دریا دریاۓ فرات چ نئیں ڈگدا ۔ جنوبی عراق دے شہر بصرہ دے شمال چ دریاۓ فرات دریاۓ دجلہ ڈگدے ہوئے شط العرب ناں دا ڈیلٹا بناندا اے تے دونے دریا خلیج فارس چ ڈگدے نیں ۔ اس وسیع ڈیلٹا دی وجہ توں ایہہ اک وڈے دلدلی علاقے صورت اختیار کرگیا اے ۔