گریگوری کیلنڈر

گرہگوری تقویم، جیہنوں اردو تے پنجابی وچ سال توں بعد ء نال دکھایا جاندا اے (مثلن 2000ء)، اوہ تقویم اے جس وچ وقت دا حساب حضرت عیسیٰ علیہ السلام دی پیدائش توں لایا جاندا اے اگرچہ اس گل وچ اختلاف اے کہ حضرت عیسیٰ علیہ السلام دی پیدائش دا سال کیہڑا سی۔ اس وچ زمانے دے نال نال تبدیلیاں ہوندیاں رہیاں نیں مثلن پوپ گریگوری نے سولہویں صدی وچ تاحال آخری قابلِ ذکر تبدیلی کیتی سی اسی لئی ایہنوں گریگوری تقویم کہندے نیں۔

پوپ گریگوری سیزدہم گریگورین تقویم دے تعارف دی خوشی منا ریئے نیں

ورتوں

ایہ کیلنڈر ساری دنیا وچ ورتیا جاندا اے۔ ایہہ جولیئن کلنڈر دا سودھیا روپ اے۔ پوپ گریگوری نے سولھویں صدی وچ اس وچ آخری قابل-اے-ذکر تبدیلی کیتیاں سن اس لئی اسنوں گریگوریئن کلنڈر کہیا جاندا اے۔

دناں دا حساب

گریگوریئن کیلنڈر دی بنیادی اکائی دن ہندی اے۔ 365 دناں دا اک سال ہندا اے، پر ہر چوتھا سال 366 دن دا ہندا اے جس نوں لیپ دا سال کہندے نیں۔ سورج اتے مشتمل پنچانگ ہر 146,097 دناں بعد دہرایا جاندا اے۔ ایہنوں 400 سالاں وچ ونڈیا گیا اے۔ ایہ 20871 ستواریاں دے برابر ہندا اے۔ ایہناں 400 سالاں وچ 303 سال عامَ سال ہندے نیں تے 97 لیپ دے سال۔

لاگو

ایہ کیلنڈر کیتھولک پوپ گریگوری تیرہویں نے 1582 وچ تیار کر کے لاگو کیتا سی۔ اس توں پہلاں جولیئن کیلنڈر لاگو سی۔ جولیئن کیلنڈر دا آخری دن 4 اکتوبر، 1582 سی (ادوں جوڑ گنتی وچ 10 دن دا فرق ہون کارن) گریگوریئن کیلنڈر دا پہلا دن 15 اکتوبر سی۔ اس نوں سبھّ توں پہلاں 1582 وچ ہی کیتھولک دیساں سپین، پورتگال تے اٹلی نے لاگوُ کیتا سی۔ فرانس نے 9 دسمبر، 1582 نوں منّ لیا اتے اتھے اگلا دن 20 دسمبر سی (اوہناں وی 10 دن ختم کر دتے) سن۔ پہلاں تاں اس نوں صرف کیتھولک دیساں نے ہی لاگوُ کیتا پر پھر 1700 وچ پروٹیسٹینٹ دیساں نے وی منظور کر لیا۔ انگلینڈ نے اس کیلنڈر نوں 1752 وچ لاگوُ کیتا، اتھے 2 ستمبر، 1752 توں اگلا دن 14 ستمبر سی (ہن 11 دن ایڈجسٹ کرنے پئے سن)۔ روس نے اس نوں 1 فروری، 1918 توں لاگوُ کیتا پر اتھے 31 جنوری، 1918 توں اگلا دن 14 فروری سی (13 دن دا فرق ایڈجسٹ کرن کر کے)۔ یورپ وچ یونان نے اس کیلنڈر نوں سبھّ توں بعد وچ لاگوُ کیتا سی؛ اتھے 15 فروری، 1923 توں اگلا دن (13 دن دا فرق ایڈجسٹ کرن کر کے) 1 مارچ بنیا سی۔ سکھ تواریخ وچ 1698–99 وچ وساکھی 29 مارچ نوں سی، پر 1763 وچ 10 اپریل نوں آؤن دا کارن ایہہ سی کہ برطانوی حکومت نے 1752 وچ اس کیلنڈر نوں برطانوی ہند وچ لاگوُ کر لیا سی تے اس نال وچکارلے 12 دن ایڈجسٹ ہو گئے سن۔

تفصیل

گریگورین تقویم نوں باراں مہینےآں وچ تقسیم کیتا جاندا اے۔

شمار	نام	دن
1	جنوری	31
2	فروری	28 یا 29
3	مارچ	31
4	اپریل	30
5	مئی	31
6	جون	30
7	جولائی	31
8	اگست	31
9	ستمبر	30
10	اکتوبر	31
11	نومبر	30
12	دسمبر	31

ہور دیکھو

• اسلامی تقویم
• ایرانی تقویم