صندل

صندل
پچھاݨ
دیس :	بوٹے
برادری :	پھلوالے بوٹے
ٹبر:	صندل ٹبر
سائنسی ناں :	Santalum album

صندل، درمیانے ناپ دا صندل ٹبر دا اک رکھ اے۔ ایہ اک خشبو والا بوٹا اے۔ پراݨے ویلیاں توں پاکستان تے بھارت وچ ایہدی اہمیت اے۔

دکھاݪا

صندل اک سدا بہار رکھ اے۔ ایہ رکھ 4 توں 9 میٹر تک اُچا ہُندا اے۔ صندل دا رکھ 100 سال تک وی جی سکدا اے۔ ایس بوٹے دیاں جڑاں دوجے بوٹیاں دیاں جڑاں ناݪ مِݪدیاں نیں تے اوہناں توں خوراک لیندیاں نیں۔ نِکے رکھ دی چھل کالی تے پدھری ہُندی اے۔ پتے پتلے تے اک دوجے دے سامݨے ہُندے نیں تے آنڈے ورگے یا نکی چھری ورگے ہُندے نیں۔ تن سال مگروں پھل لگدا اے تے 5 سال مگروں اگن آلے بی لگدے نیں جیہناں نوں پنچھی کھلاردے نیں۔

پسار

ایہ جنوبی ایشیا دا رکھ اے پر ہُݨ ایہنوں چین، برما، سری لنکا، انڈونیشیا، ملائشیا، فلپائن تے شمالی اسٹریلیا وچ وی لایا جارہیا اے۔ ایہ کچھ سُکے تھانواں تے اُگدا اے تے دوجے بوٹیاں توں جڑاں دے ذِریعے خوراک حاصل کردا اے۔

ایہ سمندری کنڈھیاں دے سُکے جنگلاں توں لے کے 700 میٹر سطح سمندر دی بلندی تک ہُندا اے۔ ایہ ریتلی توں وٹیاں والی تک کئی ونڈ دی زمین وچ اگ سکدا اے۔ ایہ 0 توں لے کے 38 °C تک دا درجا حرارت جَھل جاندا اے۔ ایس رکھ دی چوکھی کٹائی ہوݨ دی وجہ توں ایہنوں بچایا جارہیا اے۔

ورتن

صندل دا ورتن جنوبی ایشیا وچ 2 ہزار ورھیاں توں جاری اے۔ ایہدی لکڑ تے تیل مذہبی رسومات وچ ورتے جاندے نیں۔ ایہدی لکڑ مندراں تے ہور تھاواں تے اسارن دے کم آؤندی اے۔