سکینڈینیویا

براعظم یورپ دے علاقے شمالی یورپ دے دیساں فنلینڈ ، سویڈن ، ناروے تے ڈنمارک نوں مجموعی طور تے اسکینڈے نیویا کہیا جاندا اے ۔ ایہ علاقا بشمول شمالی اٹلانٹک ساگر دا جزیرا آئس لینڈ مِلدیاں جُلدیاں زباناں تے ثقافتاں دا حامل اے ۔ اسکینڈے نیویا دا شمالی تے مغربی حِصا بہت زیادہ کٹیا پھٹا تے پہاڑی اے ۔ جنوب وچ زمین ہموار اے تے گلیشیئراں دی بدولت انتہائی زرخیز اے ۔ فن لینڈ، ناروے تے سویڈن دا بوہتا حِصا گھنے جنگلات اُتے مشتمل اے ۔

زراعت

جنوبی ڈنمارک تے سویڈن زرعی اعتبار نال علاقے وچ سبھ توں زیادہ پیداواری علاقے نیں جیہناں دی اہم پیداوار کݨک ، آلو تے جوں نیں ۔

ماحولیاتی مسائل

شمالی یورپ دا ایہ علاقا براعظم یورپ دے دیگر علاقےآں دی نِسبت صنعتی آلودگی نال زیادہ متاثر ہو رہیا اے ۔ آلودہ ہواواں شمال دا رخ کردیاں نیں تے بارش نال مِل کے "تیزابی بارش" دا سبب بَݨدیاں نیں جیہڑیاں جنگلات تے جھیلاں نوں آلودہ تے نباتات تے حیوانات نوں نقصان دیندیاں نیں ۔