سلطان محمد خان

سلطان محمد خان پیندا خان دے کئی پتراں وچوں اک سی جو بہت سج-دھج والا انسان سی اتے اس دی شان و شوکت اتے دکھاوے نوں ویکھ کے اس نوں ‘ سلطان بیبی ’ کہندے سن ۔ 1830 وچ سلطان محمد خان سکھاں نوں نذرانہ دین والا پشاور دا گورنر بن گیا ۔ اسے ویلے دوران ہی اس نوں مشہور گھوڑی لیلی رنجیت سنگھ نوں دین لئی مجبور کر دتا گیا ۔ مئی 1834 وچ ، سلطان محمد خان دی تھاں تے پشاور وچ ہری سنگھ نلوا نوں لگایا گیا اتے اس نوں اک وڈی جگیر دتی گئی ۔ جدوں 1835 وچ ، دوست محمد خان نے سکھاں توں پشاور لین لئی دھرم لڑائی دا اعلان کر دتا تاں اس نے اپنے بھرا سلطان محمد خان نوں اپنے ول کر لیا ۔ پھر وی سلطان محمد خان نوں دوست محمد خان اتے کوئی یعقین نہیں سی اتے ایہہ اسنوں چھڈّ کے رنجیت سنگھ ول چلا گیا ۔ جدوں انگریزی سرکار نے افغانستان نوں اپنے اثر ہیٹھ لیاؤن دا فیصلہ کر لیا اتے رنجیت سنگھ دی مدد نال دوست محمد خان دی تھاں تے شاہ شجاع نوں گدی تے بٹھاؤن دا فیصلہ کر لیا تاں سلطان محمد خان نے سکھاں دا ساتھ دتا ۔ سلطان محمد خان ڈوگرا بھراواں دا پکا پیروکار سی ۔ 1845 وچ ، جدوں سکھ فوج راجا گلاب نوں سزا دین لئی جموں اتے چڑھ آئی تاں سلطان محمد خان نے راجا دی پرزور وکالت کیتی سی ۔