ریاڑ
دیس: جنور
برادری: کورڈیٹ
ٹولی: پنچھی
ٹبر: مور ٹبر
سائینسی ناں: Catreus wallichii

ریاڑ مور ٹبر دا اک پنچھی اے۔ شکار تے رہن دیاں تھانواں تھوڑیاں ہون باجوں ایس پنچھی دی گنتی تھوڑی رہ گئی اے۔

کھلار سودھو

ریاڑ ہندستان، پاکستان، کشمیر، تے نیپال دے ہمالیہ دے اتلے تے چعاڑیانوالے تھانواں چ ریندا اے۔ اے لیندے نیپال توں لے کے ہزارہ، پاکستان تک دے وشکارلے دیس چ ہوندا اے۔ ریاڑ 6000 فٹ توں 10000 فٹ تک دی اچائی دے وشکار گرمیاں چ دسدا اے۔

پچھان سودھو

نر 90 توں 118 سینٹی میٹر تک لما ہوندا اے۔ تے مادہ 61 توں 76 سینٹی میٹر تک لمی ہوندی اے۔ نر سانولے پعورے سر والا ہوندا اے ایدے سر تے لمی کلغی ہوندی اے جیہڑی مگر ول جاکے افراں اٹھدی اے۔ اکھاں دے دوالے کھل دا لال چکر ہوندا اے۔ پوچھل لمی پعوری سلیٹی تے چاکلیٹی رنگ دی ہوندی اے۔ جیدے تے کالیاں تعاریاں نیں۔ ٹھوڈی تے تعون تے گلا مٹیالا چٹا ہوندا اے۔ مادہ کج نکے ناپ دی ہوندی اے۔ نر تے مادہ جوڑا بن کے پنج یا چھ پنچھیاں دی سنگت بنا کے ریندے نیں۔ سارا دن چپ ریندے نیں پر آتھن ویلے بولدے نیں یا سویلے بولدے نیں۔ اے رت دے بدلن تے وی اپنا تھاں نیں چھڈدا۔ دوجیاں توں اپنے آپ نوں لکائی رکھدا اے۔ خطرا مسوس کردیاں ای اے اتے ول اڈاری مار جاندا اے۔

کھان پین سودھو

رکھاں دیاں نویاں نرم پتیاں، جڑاں، ڈگے پھل، بی، کیڑے مکوڑے پتنگے تے کعا ایدا کھان پین نیں۔

 

نسل وادا سودھو

نر نال اک ای مادہ ہوندی اے تے مادہ ریاڑ اپریل دے انت توں جون تک پیلے رنگ دے نو توں چوداں انڈے دیندی اے جیدے توں چھبی ستائی دن چ بچے نکل اندے نیں۔ مادہ چیڑ دے جنگلاں چ چعاڑیاں چ زمین تے کعا دا آلنہ بناندی اے۔

بارلے جوڑ سودھو