رگھوناتھ راؤ
| رگھوناتھ راؤ | |
|---|---|
| (مراٹھی وچ: रघुनाथराव पेशवे) | |
 | |
| جم | 18 اگست 1734
|
| تاریخ وفات | 11 دسمبر 1783 (49 سال)
|
| شہریت |  مرہٹہ سلطنت
|
| زوجہ | آنندی بائی |
| اولاد | باجی راؤ دوم |
| والد | باجیراؤ اول |
| والدہ | کاشی بائی |
| بہن/بھائی | |
| عملی زندگی | |
| پیشہ | سیاست دان |
ترمیم  | |
رگھوناتھ راؤ (جنہاں نوں رگھو بَلّال تے رگھو بھراری وی کہیا جاندا اے [۱]) (18 اگست 1734ء – 11 دسمبر 1783ء) مرہٹہ سلطنت دے مختصر مدت دے لئی پیشوا رہے۔ انہاں دا عہد پیشوائی سنہ 1773ء توں 74ء تک فقط اک برس اُتے محیط اے۔
مڈھلا جیون سودھو
رگھوناتھ راؤ نانا صاحب پیشوا دے چھوٹے بھائی سن ۔ انہاں دے والد دا ناں پیشوا باجی راؤ اول تے والدہ دا کاشی بائی سی۔ 8 دسمبر 1734ء نوں ستارا دے نیڑے ماہولی وچ پیدا ہوئے تے بچپن دا بیشتر حصہ ستارا ہی وچ گزاریا۔
رگھوناتھ نوں ابتدائی ایام وچ شمالی ہندوستان وچ خوب فتوحات حاصل ہوئیاں۔ انہاں دی سرکردگی وچ سنہ 1753ء توں 1755ء تک جاری مہم دا نتیجہ جاٹاں توں اک مفید معاہدہ دی صورت وچ نکلیا۔ ہندوواں دے ایتھے رگھوناتھ نوں اس لئی یاد رکھیا جاندا اے کہ انہاں نے اپنی اس مذکورہ مہم دے دوران وچ ہندوﺅں دے مقدس تھاںواں مثلاً متھرا، ورنداون، گیا، کرکشیتر وغیرہ نوں مسلماناں دے قبضے توں کڈیا۔ ہور رگھوناتھ نے مغل شہنشاہ احمد شاہ بہادر نوں قید کرکے عالمگیر ثانی نوں انہاں دی جگہ شہنشاہ بنا دتا سی۔
احمد شاہ درانی سنہ 1760ء وچ پنجاب پہنچیا تے دلی دے نیڑے واقع براری گھاٹ دی جنگ وچ دتّاجی شندے نوں شکست دتی، خود دتاجی وی اس جنگ وچ کم آگئے۔ اس شکست دا جواب دینے دے لئی رگھوناتھ نوں شمال دا رخ کرنا سی، جس دے لئی انہاں نوں وڈی فوج درکار سی لیکن اس وقت دے پیشوا دے دیوان سداشیو راؤ نے انکار کر دتا تے اوہ جا نہ سکے۔ سداشیو راؤ مرہٹہ فوج دے سپہ سالار سن تے انہاں دی قیادت وچ مرہٹاں نے پانی پت دی تیسری جنگ لڑی سی۔
پانی پت دی اس شکست دے بعد رگھوناتھ دے بھائی نانا صاحب پیشوا سنہ 1761ء وچ چل بسے تے نانا صاحب دے دوسرے فرزند مادھو راؤ اول پیشوا مقرر ہوئے۔
وفات سودھو
رگھوناتھ راؤ نے 11 دسمبر 1783ء نامعلوم اسباب دی بنا اُتے وفات پائی۔ انہاں دے دو بیٹے سن باجی راؤ دوم تے چیماجی راؤ دوم۔ ہور انہاں نے امرت راؤ نوں وی گود لیا سی۔ وفات دے بعد رگھوناتھ دی بیوی آنندی بائی تے انہاں دے تِناں بیٹےآں نوں نانا فڈنویس نے نظر بند کر دتا۔ پیشوا مادھو راؤ دوم دی وفات دے بعد نانا فڈنویس تے دولت راؤ شندے نے چیماجی راؤ تے باجی راؤ دوم نوں کٹھ پتلی پیشوا بنایا تے خود حکومت کردے رہے۔[۲]
حوالے سودھو
| پیشرو ناراین راؤ |
پیشوا 1773–1774 |
جانشین مادھو راؤ ناراین |