جنوبی کوریا
(دکھنی کوریا توں مڑجوڑ)
جنوبی کوریا چڑھدے ایشیا وچ جزیرا نما کوریا دے لمے پاسے اک لوک راج دیس ہے۔ ایہدے لہندے پاسے چین، اُبھے پاسے شمالی کوریا اَتے چڑھدے پاسے جاپان ہے۔ ایہہ اک پہاڑی دیس ہے۔ ایہدی لوک گݨتی 5 کروڑ دے لگ بھگ ہے۔ ایہدا راجگڑھ سیول ہے۔ ناں کوریا ، کوریا دے اک شاہی ٹبر گوریو توں بݨیا ہے۔ کوریا وچ انسان ہزاراں ورھیاں تو رہ رہیا ہے۔ 668 وچ کوریا دیاں تِن بادشاہتاں رل کے اک دیس بݨِیاں ۔ 1910 وچ کوریا اُتے جاپان نے مَل مار لیا ۔ دوجی وڈی لڑائی دے مُکݨ توں بعد امریکا تے سوویت یونین نے کوریا نوں شمالی کوریا تے جنوبی کوریا وچ ونڈ دِتّا ۔ جنوبی کوریا اَتے شمالی کوریا 1948 وچ وکھ ہوگئے ۔ جنوبی کوریا وچ صدارتی نظام ہے۔
| جنوبی کوریا | |
| Republic of Korea | |
| 대한민국 | |
 |
|
| راجگڑھ : | سیول |
| رقبا : | 100,363 مربع کلومیٹر |
| لوک گݨتی : | 51,844,834 |
| کرنسی : | (₩) (KRW) |
| بولی : | کوریائی |
| |