جھناں ندی
| دریاۓ چنھاں | |
| |
| |
| ٹرنا: | ہماچل پردیش ۔ بھارت |
| انت: | دریاۓ سند، پنجاب |
| لمبائی : | کلومیٹر 960 |
| دیس: | ہندستان، پاکستان |
جھناں دریا (جس دا اردو نان چناب اے) ہمالیہ ہماچل پردیش۔ بھارت وچوں نکلن آلا تے پنجاب دے دریاۓ سندھ نال ملن آلا ندی اے۔ ایہدی لمبائی 960 کلومیٹر اے اتے پاکستان دا اک وڈا دریا اے۔ دریائے چنھاں دریائے چندرا تے بھاگا دے بالائی ہمالیہ چہ ٹنڈی دے مقام تے ملاپ نال بندا اے جہڑا بھارت دی ریاست ہماچل پردیش دے ضلعے لاہول چہ اے ۔ بالائی علاقیاں چہ ایسنوں چندرا بھاگا دے ناں نال پکاریا جاندا اے ۔ ایہہ جموں کشمیر دے علاقے جموں توں وگدا ہوئیا پنجاب دے میداناں چہ وڑدا اے ۔ ضلع جھنگ چہ تریموں دے مقام تے ایہہ دریاۓ جہلم نال ملدا اے تے فیر دریاۓ راوی نوں نال ملاندا ہوئیا اوچ شریف دے تھاں تے دریاۓ ستلج نال مل کے پنجند بناندا اے تے مٹھن کوٹ دے مقام تے دریاۓ سندھ چ جا گردا اے ۔ دریائے چناب دی کل لمبائی 960 کلومیٹر اے ۔ سندھ طاس معاہدے دی رو نال استے پاکستان دا حق منیا گئیا اے ۔ ویدک ویلے (قدیم ہندستان) چ اسنوں اشکنی یا اسکمتی دے ناں نال تے قدیم یونان چ آچے سائنز دے ناں نال جانیا جاندا سی ۔ 325 قبل مسیح چ سکندر اعظم نے اسکندریہ ناں دا شہر پنجند دے نیڑے تعمیر کیتا سی ، جہڑا اج شائد اوچ شریف ، مٹھن کوٹ یا چچارن اے ۔ پنجابی تہذیب چ دریائے چناب دا بہت اہم تے علامتی مقام اے ، جسدے دوالے پنجابی سوجھ بوجھ گھمدی اے تے ہیر رانجھا دی رومانوی داستان وی دریائے چناب دے گرد ای گھمدی اے ۔
ریلوےلکھو
ہندستان دی حکومت جمون کشمیر چ دریائے چناب تے دنیا دا سب توں اچا پل بنا رہی اے ۔