تن پاشا ، سلطنت عثمانیہ دے آخری چ مجموعی طور تے اینہاں تن اہم وزیراں نوں آکھئیا جاندا سی جہڑے 1913ء توں لے کے پہلی وڈی لڑائی دے خاتمے تک سلطنت عثمانیہ دے عملا حاکم سن ۔ اینہاں چ وزیر داخلہ محمد طلعت پاشا (1874ء- 1921ء) ۔ وزیر جنگ اسماعیل انور پاشا (1881ء - 1922ء) تے وزیر خارجہ احمد جمال پاشا (1872ء- 1922ء9 شامل سن ۔ ایہہ تنوں پہلی جنگ عظیم دے دوران سلطنت عثمانیہ دی اہم ترین شخصیتاں سن ۔ اینہاں تناں دا ترک جرمن اتحاد تے جنگ عظیم اول چ ترکی دی شرکت چ اہم ترین کردار سی ۔

معاہدہ مدروس دے مگروں ایہہ تنوں قسطنطنیہ توں فرار ہو گئے ۔ 20-1919ء چ ترک فوجی عدالت نے اینہاں دی غیرموجودگی چ اینہاں نوں سزائے موت سنائی ۔ بعد چ طلعت پاشا تے احمد جمال پاشا آپریشن نیمیسس چ مارے گئے ، جدوں کہ اسماعیل انور پاشا روسی خانہ جنگی دے دوران وچکارلے ایشیا دے لوکاں دی روس دے خلاف بسماچی تحریک دی قیادت کردے ہوئے تاجکستان چ اک روسی فوجی دے ہتھوں مارے گئے ۔ کہئیا جاندا اے انور دا قتل وی آپریشن نیمیسس دا حصہ ای سی ۔