بھائی گرداس

بھائی گرداس
جم
وفات
مذہب	سکھمت
عملی زندگی

بھائی گرداس (1551 – 25 اگست 1636) دا جنم پنجاب دے چھوٹے جیہے پنڈ گوئندوال وچّ پیؤ سری بھائی ایشرداس اتے ماں جیوانی دے گھر وکھے ہویا۔ آپ جدوں صرف 3 سال دے سن تاں آپ دے ماں جی دا انتقال ہو گیا۔ آپ اک پنجابی سکھ لکھاری ، اتہاسکار اتے پرچارک سن۔ آپ گرو گرنتھ صاحب دے اصلی لکھاری سن اتے آپ نے چار سکھ گروآں دا ساتھ نبھایا۔

بچپن اتے پالن-پوسن

آپ دا پالن-پوسن اتے تعلیم دا پربندھ وی سری گرو امر داس نے ہی کیتا سی۔تیسرے ستگور دی دیکھ-ریکھ ہیٹھ وچردیاں ہی آپ نے پنجابی، ہندی ،سنسکرت تے برج بھاشاوغیرہ دا مکمل گیان حاصل کیتا۔ آپ جی سری گرو امر داس جی توں پچھوں چوتھے پاتشاہ سری گرو رام داس جی تے پھر بانی کے بوہتھ سری گرو ارجن دیو جی دی سیوگ اگوائی ہیٹھ آگرہ تے کانشی وکھے رہِ کے اس علاقے وچّ گرمتِ دا پرچار کیتا۔

گورو نال تعلق

بھائی گرداس جی رشتے داری کرکے تیسرے پاتشاہ ستگورو سری گرو امر داس جی دے بھتیجے اتے پنچم پاتشاہ سری گرو ارجن دیو جی دے ماما جی لگدے سن۔

پہلی بیڑ دا لکھاری

آدی سری گرو گرنتھ صاحب جی دی پہلی بیڑ دے لکھاری ہون دا مان بھائی گرداس جی نوں پراپت ہے۔ایہہ مہان کارج بھائی صاحب جی نے سری گرو ارجن دیو جی دی سیوگ اگوائی تے نگرانی ہیٹھ کیتا۔ سکھ دھرم وچّ اجیہی سیوا نبھاؤن دا مان بھائی صاحب بھائی گرداس جی نوں حاصل ہویا۔

خاص حصہ

جد امرتسر وکھے گرتاگدی دے مالک پنچم پاتشاہ سری گورو ارجن دیوَ جی براجمان سن تاں پرتھی چند نے گریائی ہتھیاؤن لئی ادھمول مچایا ہویا سی۔ اس سمیں بھائی گرداس جی نے آگرے توں واپس سری امرتسر پہنچ کے پرتھی چند دا کرودھ شانت کرن دا یتن کیتا۔ آپ نے اپنیاں واراں وچوں 36ویں وار راہیں پرتھی چند دی کپٹتا نوں جگّ-ظاہر کیتا۔

واراں

پنجابی وچّ آپ جی دی مہان رچنا "واراں گیان رتناولی" نوں پنچم پاتشاہ سری گورو ارجن دیوَ جی نے آپ جی دی رچنا ’واراں گیان رتناولی’ نوں گربانی دی کنجی کہہ کے نوازیا۔ سکھ اتہاس تے پنجابی ساہت وچّ ایہناں واراں دا اک خاص تھاں ہے۔ گنتی وچّ ایہہ واراں 40 ہن تے ایہناں وچّ 41 ویں وار جو ’وار سری بھگؤتی جی کی’ ناں نال پرسدھ ہے۔

آخری ویلہ

آپ 74 سال دی رب ولوں بخشی سواساں دی پونجی نوں گورو-گھراں دے لیکھے لاؤندیاں ہی سمت 1686 نوں گرو ہرگوبند صاحب جی دی حضوری وکھے ہی ستگورو جی دے درشن-دیدار کردیاں انتقال کر گئے۔

حوالے