بناسپتی گھیو

بناسپتی گھے یا نباتاتی گھے نباتاتی تیل وچ ہائیڈروجن شامل کرن ناݪ بݨدا اے۔ ایہدے برعکس اصلی گھے پودےآں توں نئیں بلکہ جانوراں دے ددھ توں حاصل ہُندا اے۔ چونکہ بناسپتی گھے سستا ہُندا اے اس لئی پچھلے سَٹھ ستر سالاں وچ ایہدا استعمال بہت وَدھ گیا اے تے اصلی گھیو دا استعمال کَھٹ ہُندا گیا۔ پودےآں وچ کولیسٹیرول بِلکل نئیں موجود ہُندا اس لئی بناسپتی گھے وچ وی کولیسٹیرول نئیں ہُندا۔

کِسے خوردنی تیل دی نامکمل ہائیڈروجینیشن دا عمل۔ دو کاربن ایٹماں دے درمیان ڈبل بونڈ جَد سِنگل بونڈ وچ بدلدے نیں تاں تیل دا نقطا پگھلاوٹ وَدھ جاندا اے

کئی پودےآں دے بی آں وچ کافی مقدار وچ تیل موجود ہُندا اے، جِداں کینولا، سرھوں، سویا بین، پام وغیرا۔ جد نکل (nickel) دی موجودگی وچ ایہناں دے تیل وچوں ہائیڈروجن گیس گزاری جاندی اے تاں تیل وچ موجود کئی ڈبل بونڈ ٹُٹ کے سنگل بونڈ وچ تبدیل ہو جاندے نیں جیہدی وجہ توں تیل دے جمݨ دا درجا حرارت ودھ جاندا اے تے ایہ تیل کمرے دے درجا حرارت اُتے جم جاندا اے یعݨی گھیو بݨ جاندا اے۔ ایہ عمل ہائیڈروجینیشن hydrogenation کہلاؤندا اے۔ اس عمل وچ کچھ نکل بناسپتی گھیو یا بچے ہوئے تیل وچ شامل ہو جاندا اے۔ ماہرین دا خیال اے کہ بناسپتی گھیو تے بچے ہوئے تیل وچ نکل دی موجودگی شوگر دی بیماری دا سبب بݨدی اے جد کہ ہائیڈروجینیشن دے عمل وچ بݨݨ آݪے ٹرانس کمپاونڈ دل دیاں بیماریاں دا سبب بَݨدے نیں۔

ہور دیکھو

• گھے
• شہد
• مکھݨ
• چربی
• تیل
• بناسپتی تیل
• خوردنی تیل
• غذا دے اجزا
• نشاستا

باہرلے جوڑ

• بناسپتی گھیو اُتے پابندی ؛متبادل کیہ ہوؤگا؟