انسپکٹر جنرل

انسپکٹر جنرل (Inspector general) فوج تے سِول سروس وچ اک عہدا اے ۔ معنوی لحاظ نال ایہدا مطلب تفتیشی اہلکار اے ۔ انسپکٹر جنرل دا عہدا کئیاں مُلکاں وچ رائج اے ۔ جیہناں وچ پاکستان ، بنگلا دیش ، بھارت ، برطانیا ، کینیڈا ، امریکا ، ترکی ، رومانیا ، جرمنی ، فرانس ، پولینڈ ، ناروے ، سویڈن تے کولمبیا شامل نیں ۔

پاکستان وچ انسپکٹر جنرل دے عہدے

پاکستان وچ فوج تے سِول سروس دوناں وچ انسپکٹر جنرل دا عہدا رائج اے ۔ پاکستان وچ پاکستان فرنٹیئر کور تے پنجاب پولیس سمیت ساریاں صوبائی پولیس سروساں دا سربراہ انسپکٹر جنرل ہُندا اے ۔

انسپکٹر جنرل پولیس

پاکستان وچ ہر صوبے تے وفاقی علاقے دے پولیس دے محکمے دا سربراہ افسر انسپکٹر جنرل ہُندا اے ۔

انسپکٹر جنرل جیل خانہ جات

پاکستان دے ہر صوبے وچ جیل خانہ جات دا محکما قائم اے جیہدا سربراہ افسر انسپکٹر جنرل اے ۔

انسپکٹر جنرل فرینٹئر کور

پاکستان دی پیراملٹری فورس پاکستان فرنٹیئر کور دا سربراہ انسپکٹر جنرل ہُندا اے ۔

پاک آرمی وچ انسپیکٹر جنرل دے عہدے

پاک آرمی وچ انسپکٹر جنرل دے چار عہدے رائج نیں :

• انسپکٹر جنرل آرمز
• انسپکٹر جنرل ٹریننگ اینڈ اویلیوئیشن
• انسپکٹر جنرل کمیونیکیشن اینڈ ٹیکنولوجی
• انسپکٹر جنرل ہسپتاݪ