امرتا شیرگل

امرتا شیرگل
(Punjabi وچ: ਅੰਮ੍ਰਿਤਾ ਸ਼ੇਰਗਿਲ)،(پنجابی وچ: امریتا شیرگل)
جم	30 جنوری 1913   بوداپست
وفات	5 دسمبر 1941 (28 سال)  لہور
شہریت	برطانوی ہندستان
نسل	بھارتی قوم ،  ہنگریائی
عملی زندگی
مادر علمی	نیشل سپیریئر اسکول آف فائن آرٹس
پیشہ	مصور
پیشہ ورانہ زبان	انگریزی
شعبۂ عمل	مصوری ،  بصری فنون
تحریک	موڈرنزم

امرتا شیرگل اک پنجابی مصورہ سی ۔

امریتا شیرگل (30 جنوری 1913, – 5 دسمبر 1941) اک پنجابی ہندستانی پینٹر سی۔ اوہدا پیو اک سکھ پنجابی تے ماں ہنگری دی سی۔

جم

20 ویں صدی دی باصلاحیت چترکارا، بچپن توں ہی کلا، سنگیت، اداکاری نال یارانہ پاؤنن والی، پنج کو سال دی عمر وچ ماں کولوں سنیاں کہانیاں، پری کہانیاں دے چتر الیک کے اسنوں دکھان والی، 8 سال دی عمر وچ ہی پیانو، وائلن اتے ہتھ ازماؤن والی، کینوس دا ساتھ نبھاؤنن والی، بھارت دی فریدہ کاہلو اکھواؤنن والی، اپنے کم راہیں وکھرتا الونڈی اتے گہری چپّ سرجن والی، لگھو-چتر سٹائلاں بسیلی، کانگڑا، راجستھان، مغل نوں چترت کرن والی، وومن ایٹ باتھ (1940)، وومن ایٹ چارپائی (1940) مورتاں راہیں خاص سٹائل ابھارن والی امرتا شیرگل دا جم پنجابی پروار دے جمپل نوکری کرتا، سنسکرت اتے فارسی دے ودوان امراؤ سنگھ شیرگل مجیٹھیا دے گھر ہنگری مول دی یہودی پیرا گلوکارہ ماں ماریہ اینٹونی گوٹسمن دی ککھوں بڈاپیسٹ (ہنگری) وکھے 30 جنوری 1913 نوں ہویا اس پروار وچ دوسری لڑکی اندرا سندرم 13 مارچ 1914 نوں پیدا ہوئی۔ جد ماریہ اینٹونی شہزادی بنبا نال بھارت آ کے گایا تاں امراؤ سنگھ نال بنی نیڑتا 4 فروری 1912 نوں ویاہ وچ بدل گئی ۔

مڈھلاجیون

امرتا نے پیرس اتے فلورنس دے سانتا اننجیاتا آرٹ سکول وچوں ٹریننگ لئی اس توں پہلاں اس نے گرینڈ چاؤمیئر وچ پیئرے ویلنٹ دے اتے اکول ڈیس بیؤکس-آرٹسس وچ لیوسئن سائمن دی نگرانی وچ مشق وی کیتی سی اخیر ماریہ دوہاں دھیاں نوں لے کے 24 جون 1924 نوں واپس آ گئی۔ ایہہ پروار 1928 تک سمر ہل شملہ وچ ہی رہا۔ امرتا نے 21 سال دی عمر وچ 1934 نوں سمر ہلّ شملہ وکھے سٹوڈیؤ بنایا، غیرملکی چترکاراں دے مڈھلے اثر نوں لامبھے کردیاں، بھارتی روائتاں نوں اپناؤندیاں 1936 وچ اجنتا اتے پہاڑی بھارتی چترکلا نوں سمجھیا حقیقت دے نزدیک ہو کے بھارتی پینڈو عورت نوں چترت کریا دکھن بھارتی برہمچاری اتے دکھن بھارتی پینڈو، بازار ول جاندے ہوئے کیلے ویچن والا چتر آدی اسدی تبدیلی دا ہنگارا بھردے ہن۔ چارکول جاں پانی-رنگاں دی ورتوں کرن والی امرتا جد کلا دنیا وچ داخل ہوئی تاں اس ویلے کسے عورت چترکار دا کوئی ناں -نشان نہیں سی۔

پیرس وچ

اوہ 1929 توں 1934 تک پیرس رہی جتھے پئر وائلاں اتے پیرس دی قومی کلا یونیورسٹی (اکول نیشنال دی بو آرس) وچ داخلہ وی لیا اسنوں پروفیسر سموں دی بھرپور مدد وی ملی ینگ گرلز ناں دی پینٹنگ نال 1934 وچ گرانڈ سولین ادارہ دی میمبر بنن والی ایشیا دی پہلی لڑکی امرتا نے ستمبر 1935 وچ شملہ آرٹ سوسائٹی دی سالانہ نمائش لئی دس کرتاں بھیجیاں جنھاں وچوں جد پنج واپس آ گئیاں تاں اس نوں غصہ چڑھ گیا اتے اس نے ادارہ ولوں دتے گئے ‘مہاراجہ فریدکوٹ انعام’ نوں موڑدیاں خلاف وجوں خط وی لکھیا ۔ جس نوں شملہ فائین آرٹ سوسائٹی دے نرنائکاں نے سنبھال کے رکھیا ہویا اے۔

پہلی نمائش

مارچ 1936 اتے نومبر 1938 دے انعام اعزاز اس دا حوصلہ بنے اس نے اپنے 30 تصویراں دی پہلی نمائش 1937 نوں لاہور وچ لائی، اگلے سال 18 جولائی 1938 نوں امرتا نے اختلافاں دے باو جود اپنے ہنگیریئن چچیرے/مسیرے بھرا ڈاکٹر وکٹر اگان نال ویاہ کروا لیا۔ پھر اوہ اپنے پشتینی گھر گورکھپور وچ جا وسی۔ ادھر ماریہ اتے مرحوم پہلی بیوی توں 4 بچیاں دے پیؤ امراؤ سنگھ درمیان کڑواہٹ وی ماڑی رہی ۔

موت

اپنے شوہر نال لاہور گئی امرتا 5 دسمبر 1941 نوں اچانک ہی 28 ورھیاں دی عمر وچ چل بسی۔

اسدیاں یاداں نوں اج وی بھارت وچ ادب نال سمبھالیا پیا اے جو اس دی یاد دواؤندیا آ رہیاں نے اتے دواؤندیاں ہی رہنگیاں۔

ہورویکھو

حوالے

بارلے جوڑ