ابراہیم بن اغلب

خلافت عباسیہ دا اک حاکم (184ھ توں 196ھ) ، خلیفہ ہارون الرشید دے عہد چ اتلے افریقہ چ آئے دن بغاوتاں ہندیاں رہندیاں سن ۔ابراہیم بن اغلب والئی زاب نے باغیاں نوں شکست دے کے سارے ملک چ امن تے امان قائم کر دتا ۔ تے 184ھ چ سلطنت بنو اغلب (اغالبہ )دی نیونہہ رکھی ۔اس نے قیروان دے نیڑے عباسیہ ناں دا نواں شہر وسا کے اسنوں راجگھر بنائیا ۔ ہارون الرشید نے افریقہ دی امارت مستقل طور تے اسدی تحویل چ دے دتی ۔ ابراہیم دی حثیت دوجے صوبائی گورنراں وانگ نئیں سی ۔ اوہ سارے امور چ خودمختار سی تے خلیفے نوں صرف 40 ہزار درہم سالانہ خراج ادا کردا سی ۔ اس نے 12 سال تک امن امان نال حکومت کیتی تے اسدے بعد اسدے پتر ابوالعباس عبداللہ نے تے فیر 201ھ چ زیادۃ اللہ نے حکومت سمبھالی ۔ اس دے دور چ مسلماناں نے سسلی ( صقیلیہ) تے قبضہ کیتا ۔