300 (فلم)

300
Theatrical release poster of 300 فلم دا پوسٹر
ہدایتکار	زیک سنڈر
بنان آلے	مارک کینٹن برنی گولڈمین گیانی نعورت جیفری سلور
اسکرپٹ	زیک سنڈر کرٹ جونسٹیڈ مائیکل بی۔ گورڈن
بنیاد	فرینک ملر اتے لن وارلی دی رچنا  300
ستارے	گیرارڈ بٹلر لینا ہیڈی ڈیوڈ وینہیم ڈومنک ویسٹ
میوزک	ٹائیلر بیٹس
عکسبندی	لیری فونگ
ادارت	ولیئم ہوئے
محصولی ادارہies	لیجینڈری پکچرز ورچوئل سٹوڈیؤز ایٹموسپھیئر پکچرز ہالیوڈّ گینگ پروڈکشنز
ونڈن آلے	وارنر بردرز پکچرز
تاریخ نمائش	۹ دسمبر ۲۰۰۶ء (۲۰۰۶ء-12-۰۹)
ویلہ	116 منٹ
دیس	امریکہ
بولی	انگریزی
لاگت	$65 ملیان
باکس آفس	$456.1 ملیان

300 2006 وچ بنی اک امریکی جنگجو تے لڑائی مشتمل فلم اے جہڑی فرینک ملر اتے لن وارلی ولوں رچی گئی 1998 دی کومک لڑی 300 تے مشتمل اے۔ ایہہ دوویں کہانیاں فارس دیاں جنگاں وچلی تھرموپائیلے دی جنگ دا خیالی دہراء ہن۔ اس فلم دا ڈریکشن زیک سنڈر ولوں کیتا گیا اے جدکہ ملر نے اس وچ ایگسیکیٹو پروڈیوسر اتے صلاح کار دی کردار نبھایا اے۔ اس فلم نوں مکھ طور تے سوپر امپوسیشن کروما کی تکنیک نال بنایا گیا اے تاں کہ مول کومک کتاب دی مورت سوچ نوں ٹھیک طرحاں سرجیا جا سکے۔

اس فلم دی کہانی راجے لیونائیڈس (گیرارڈ بٹلر) دوآلے گھمدی اے جہڑا کہ فارس راجے زرکزیس (روڈریگو سونتورو) دے خلاف جنگ وچ 300 سپارٹاواں دا مکھی اے۔ زرکسیز دی فوج وچ 3 لکھ سپاہی ہن۔ جویں-جویں دشمن ودھدا آ رہا اے رانی گورگو (لینا ہیڈی) جہڑی لیونائیڈس دی بیوی اے، اپنے شوہر دے حق وچ منتریاں توں مدد دی منگ کردی اے۔ اس کہانی نوں اک سپارٹا سپاہی ڈلیوس (ڈیوڈ وینہیم) دی زبانی بیان کیتا اے۔ اس طرحاں وکھرے طریقے نال بیان کرن دی تکنیک اس فلم نوں بہت ہی شاندار اچائیاں تک لے گئی۔

300 نوں امریکہ وچ 9 مارچ، 2007 نوں دوویں عامَ اتے آئیمیکس سنیماگھراں وچ رلیز کیتا گیا سی۔ 31 جولائی، 2007 نوں اسدی ڈیویڈی، بلو ریو ڈسک اتے ایچڈی۔ ڈیوی رلیز کیتی سی۔ ایہہ فلم بوکس آفس تے بہت کامیاب رہی سی اتے 450 ملیان ڈالر توں وی زیادہ پیسے کمائے سن۔ اس فلم دی شروعاتی کمائی بوکس آفس دے اتہاس وچ 24ویں تھان تے رہی سی۔ اس فلم دا اگلا حصہ رائیز آف این ایمپائر 7 مارچ، 2014 نوں رلیز ہویا سی۔

کہانی

سن 481 ق م وچ، تھرموپائیل دی جنگ تو اک سال پہلاں، ڈلیؤس، جہڑا کہ سپارٹن فوج دا اک ہوپلائیٹ فوجی اے، لیونائیڈس دے جیون نوں بچپن توں راجا بنن تک بیان کردا اے۔ ڈلیؤس دی کہانی جاری رہندی اے اتے فارس دے سندیشواہک سپارٹا دے بواے اپر راجے زرکسیز دے سپرپن دے روپ وچ سپارٹا توں دھرتی اتے پانی دی منگ کردے ہن۔ سپارٹا اوہناں دا جواب اوہناں نوں مار کے دندے ہن اتے اوہناں دیاں لاشاں نوں اک کھوہ وچ سٹّ دندے ہن۔ لیونائیڈس اپھوراں (منتریاں) نوں ملدا اے اتے فوجی طاقت دے طور تے مضبوط فارس دشمناں دا ساہمنا کرن لئی تجویز دندا اے۔ اسدی ترکیب سی کہ اک مضبوط کندھ کڈھ دتی جاوے اتے فارسیاں نوں اک سمندر اتے چٹاناں وچلے چھوٹے جاے رستے وچوں آؤن لئی مجبور کیتا جاوے۔ وزیر پائتھیا (اچّ مذہبی وزیر) نال گل کردے ہن اتے اوہ اوہناں نوں لڑائی وچ نہ جان لئی کہندا اے کیونکہ کارنیا ( سپارٹا تہوار) دے ویلے وچ اوہ لڑائی نہیں کر سکدے۔ لیونائیڈس اتھوں غصے نال چلا جاندا اے اتے زرکسیز دا اک سندیشواہک ساہمنے آؤندا اے اتے منتریاں نوں اوہناں دے حمایت لئی انعام دندا اے۔

بھاویں افوراں نے لیونائیڈس نوں سپارٹا فوج دین توں منع کر دتا سی پر لیونائیڈس نے اپنے تن سو سبھ توں ودھیا فوجی جنگ لئی تیار کر لئے۔ اوہناں نوں رستے وچ آرکیڈیئناں دا ساتھ مل گیا۔ تھرموپائیل وکھے اوہناں نے مارے ہوئے فارسی فوجیاں دی کندھ دے روپ وچ چنائی کر دتی، جس نال فارسیاں نوں غصہ چڑ گیا۔ سٹیلیؤس، اک مکھ سپارٹن فوجی نے اک فارسی فوجی دی بانہہ وڈھّ کے اسنوں فارسی فوج کول جان لئی کیہا اتے زرکزیس نوں چتاونی دین لئی کیہا۔

اس دوران لیونائیڈس دا ساہمنا اپھیئلٹس نال ہندا اے جسدا پروار خطرے نوں بھانپ کے بھجّ گیا سی۔ اپھیئلٹس لیونائیڈس نوں اسدے پیؤ نوں معاف کرن لئی بینتی کیتی اتے کیہا کہ اوہ سپارٹناں نال لڑن لئی تیار اے۔ اسنے لیونائیڈس نوں اک خفیہ رستے بارے وی دسیا کہ فارسی اس رستے دا استعمال سپارٹناں دی فوج نوں کھنڈت کرن جاں گھیرن لئی کر سکدے ہن۔ پر لیونائیڈس نے ہمدردی نال اسنوں لڑن لئی منع کر دتا کیونکہ اوہ بانجھ سی اتے اپنی ٹھیک طرحاں اپر چکن دے یوگ نہیں سی۔ ایہہ جواب سن کے اپھیئلٹس غصے ہو گیا۔

سپارٹناں ہتھیار سٹن توں منع کرن پچھوں جنگ شروع ہوئی۔ بوہیاں دی مدد نال اتے اپنی زبردست لڑاکو دی بدولت سپارٹناں نے فارسی فوج دا بری طرحاں گھات کرنا شروع کر دتا۔ جنگ وچ اک ویلے دوران زرکسیز خود لیونائیڈس کول چل کے آیا اتے اسنوں کیہا کہ اس ساہمنے گوڈھے ٹیک دیوے اتے اس بدلے اسنے اسنوں بہت ساری دھن-دولت اتے طاقت دین دی تجویز دتی۔ لیونائیڈس نے اسدی تجویز ٹھکرا دتی اتے فارسیاں دی لڑن دی ایوگ تکنیک دی کھلی اڈائی۔ اس توں غصے ہو کے زرکسیز نے اپنی سبھ توں ودھیا فوجی ٹکڑی امورٹلس نوں لیونائیڈس دا مقابلہ کرن لئی بھیج دتا۔ اس مقابلے وچ بھاویں کجھ سپارٹن فوجی مارے گئے پر اوہناں نے بڑی بہادری نال اوہناں نوں ہرا دتا، جس وچ اوہناں نوں تھوڑھی آرکیڈیئناں دا مدد وی ملی۔

دوجے دن زرکسیز نے ایشیا دیاں کجھ نویاں فوجاں اتے ہاتھیاں نال لیس وڈی فوج نوں سپارٹناں نوں اکو واری کچلن لئی بھیجیا۔ اس دوران اپھیئلٹس نے لیونائیڈس توں بدلہ لین لئی دھن-دولت، شہرت اتے وردی لئی زرکسیز نوں اس خفیہ رستے بارے دسّ دتا۔ اپھیئلٹس دے کیتے دھوکھے بارے پتہ لگن تے آرکیڈیئن پچھے ہٹ گئے پر سپارٹن رکے راے۔ لیونائیڈس نے اک لڑن لئی ضد کرن والے زخمی سپارٹا ڈلیؤس نوں سپارٹا واپس جان لئی کیہا اتے اک دسن لئی کیہا کہ جنگ دے میدان وچ کی کجھ واپریا اے۔

سپارٹا وچ رانی گورگو سپارٹن منتریاں ساہمنے بینتی کردی اے کہ 300 فوجیاں دی مدد وچ ہور فوج بھیجی جاوے۔ تھیرون جہڑا کہ اک بھرشٹ راجنیتا اے، نے جواب دتا کہ اوہ اس کونسل نوں چلاؤندا اے اتے اسنے گورگو نوں ڈرایا، جہڑی کہ اسدی مدد بدلے اس نال تعلق بناؤن لئی تیار ہو گئی سی۔ جدوں تھیرونے ساری کونسل ساہمنے اسدی بے عزتی کیتی تاں گورگو نے غصے وچ آ کے اسدا قتل کر دتا اتے مرن ویلے تھیرون دی کمبلی وچوں زرکسیز دا دتا ہویا سونا باہر ڈگّ پیندا اے۔ تھیرون دے دھوکھے نوں ویکھ کے کونسل اکمت ہو کے 300 فوجیاں دی مدد وچ فوج بھیجن لئی راضی ہو گئی۔ تیجے دن، فارسیاں نوں اپھیئلٹس خفیہ رستے بارے خود اگوائی کرکے دسدا اے، جس نال اوہ سپارٹناں نوں گھیر لیندے ہن۔ زرکسیز اک وار لیونائیڈس نوں آتم-سپرپن کرن کہندا اے۔ لیونائیڈس گوڈھے ٹیک کے اس ساہمنے بیٹھ جاندا اے جس نال سٹیلیؤس اس دے پچھوں دی نکلدا اے اتے فارسیاں دے جنرل نوں مار دندا اے۔ غصے وچ آیا زرکسیز اپنی فوج نوں پھیر حملہ کرن لئی کہندا اے۔ لیونائیڈس بڑے زور نال اپنا بھالا زرکسیز ول سٹدا اے۔ بھالا زرکسیز دے چہرے نوں زخمی کردا ہویا لنگھ جاندا اے اتے زرکسیز وال-وال بچ جاندا اے۔ چہرے دے زخمی ہون نال زرکسیز جہڑا اپنے-اپنے نوں خود ربّ کہاؤندا اے، دے امر ہون دا شکّ دور کر دندا اے۔ لیونائیڈس اتے اسدے نال لڑدے سپاہی اپنی موت تک لڑدے راے جدوں کہ اوہناں اپر تیراں دی برسات کر دتی گئی۔

ڈلیؤس، جہڑا کہ ہن سپارٹا وکھے موجود اے، کونسل ساہمنے ایہہ ساری کہانی پیش کردا اے۔ لیونائیڈس دی قربانی توں متاثر ہو کے یونان اپنی فوج تیار کرنی شروع کر دندا اے۔ اک سال بعد فارسی 30 ہزار آزاد یونانیاں نال جنگ کردے ہن جہناں دے موہری 10 ہزار سپارٹن ہن۔ 300 نوں یاد کردے ہوئے اپنی آخری بھاشن وچ ڈلیؤس (جہڑا کہ ہن سپارٹن فوج دا مکھی اے، فوج دی جنگ وچ اگوائی کردا اے۔ ایہہ جنگ پلیٹیا دے میداناں وچ ہندی اے۔

پاتر

• گیرارڈ بٹلر، لیونائیڈس، سپارٹا دا راجا۔
• ڈیوڈ وینہیم، ڈلیؤس، بیان کرتا اتے سپارٹن فوجی۔
• لینا ہیڈی، رانی گورگو، سپارٹا دی رانی
• گیووانی کمینو، پلیسٹارشس، لیونائیڈس اتے گورگو دا پتر
• ڈومینک ویسٹ، تھیرون، اک خیالی بھرشٹ سپارٹن راجنیتا۔
• ونسینٹ ریگن، کیپٹن آرٹیمس، لیونائیڈس دا یعقین پاتر کپتان اتے دوست۔
• ٹوم وسڈم، استینوس، کپتان آرٹیمس دا سبھ توں وڈا پتر۔
• اینڈریو پلیون، ڈیکسوس، اک آرکیڈیئن لیڈر جہڑا کہ لیونائیڈس دی جنگ وچ مدد کردا اے۔
• اینڈریو ٹیئرنن، اپھیئلٹس، اک کوجھا سپارٹن اتے دھوکھے باز۔
• روڈریگو سونتورو، راجا زرکسیز، اک طاقتور اتے نردئی خود نوں ربّ منن والا فارس دا سرب-اچّ راجا۔
• سٹیفن مکہاٹی، اک وفادار سپارٹن راجنیتا۔
• مائیکل فاسبینڈر،سٹیلیوس، اک نوجوان، جوشیلا اتے بہت ہی اتم درجے دا سپارٹن فوجی۔
• پیٹر مینساہ اک فارسی سندیشواہک جسنووں مارکے لیونائیڈس کھوہ وچ سٹّ دندا اے۔
• کیلی کریگ، پائیتھیا، ایپھوراں(منتریاں) دا اچّ مذہبی وزیر۔
• ٹائیلر نیٹزل، بال لیونائیڈس۔
• روبرٹ میلیٹ، اک امورٹل درندا جہڑا جنگ دوران لیونائیڈس نال لڑدا اے۔
• پیٹرک سیبونگئی، فارس دی فوج دا جرنیل۔
• لیون لیڈریش، جہڑا کہ زرکسیز نوں نراش کرن والے لوکاں دا قتل کردا اے۔۔
• ٹیرون بینسکن، اک چابک والا فارسی۔

حوالے