پہلا صفہ کھولو
ہینری بیکرل
Becquerel Henri photograph.jpg
جیون جمیا 15 دسمبر 1852
مریا 25 اگست 1908
دیس فرانس
کم فزکس
گن تابکاری دی دریافت چ ہتھ دتا

ہینری بیکرل (1852-1908) اک فرانسیسی سینسدان سی جینوں تابکاری دریافت کرن چ ہتھ دین تے فزکس چ نوبل انعام دتا گیا۔ اونوں 1903 چ نوبل انعام دتا گیا۔

جیونلکھو

اوہ پیرس چ اک سینسداناں دے ٹبر چ جمیا۔ اودے ٹبر چ چار سینسدان جمے جیناں چ بیکرل دا پتر یان وی ہے گا سی۔ اونے ایکول پولیٹیکنیک توں سینس پڑی تے ایکول دس پونٹس توں سینس دی ڈگری لئی۔ 1890 چ اونے شادی کر لئی۔

کملکھو

1892 چ اوہ اپنے ٹبر دا پنجواں بندہ بنیا جینے میوزم آف نیچرل ہسٹری چ فزکس دی کرسی تے بیٹھیا۔ 1894 چ اوہ پلاں تے روڈاں دے ادارے دا وڈا انجینیئر بن گیا۔

1896 چ جدوں اوہ یورینیم دے نمک چ فلوروسیسنس ویکھ ریا سی بیکرل نے تابکاری نوں غلطی نال دریافت کر لیا۔ اونے یورینیم دے نمک نوں فوٹوگرافک پلیٹاں چ لپیٹ کے اپنی الماری چ رکھ دتا کہ اوہ اگلے دن تپ وچ اوناں تے تجربے کر سکے۔ جدوں اونے پلیٹاں ویکھیا تے اونے اے ویکھیا کہ اوناں تے کج نشان پے گۓ نیں۔ اس دا کھوج کردیاں اونے تابکاری دریافت کیتی۔

1903 چ اونوں، پیری تے میڈم کیوری دے نال فزکس چ تابکاری دریافت کرن تے نوبل انعام دتا گیا۔

انعاملکھو

اونوں 1908 چ سینس اکیڈمی دا پکا صدر رکھ لیا گیا اوہ اوسے سال ای لی کراسک چ مر گیا۔ اودی یاد چ تابکاری دا ناپ بیکرل رکھیا گیا۔ چند دے اتے اک کھڈے دا ناں بیکرل اے تے مریخ دے اتے وی اک کھڈے دا ناں بیکرل اے۔ اس توں علاوہ اونوں اے انعام وی دتے گۓ:۔

  • رمفورڈ میڈل (1900)۔
  • ہیلمہولٹز میڈل (1901)۔
  • فزکس چ نوبل انعام (1903)۔
  • برنارڈ میڈل (1905)۔

ہور ویکھولکھو

بارلے جوڑلکھو