کھوج (رسالہ)

کھوج
پنجابی میگزین
قِسم :	کھوج پرچا
دورانیہ :	چھماہی
زبان :	پنجابی
چھپن تریخ :	1978 - ہݨ تک
چھاپݨ تھاں :	لہور، پنجاب، پاکستان
پہلا ایڈیٹر :	ڈاکٹر شہباز ملک

کھوج، پنجابی رسالہ اے جیہڑا شعبہ پنجابی، اورینٹل کالج لہور، پنجاب یونیورسٹی لہور، پاکستان ولوں ہر چھے مہینے مگروں چھپدا اے۔ ایہدے وچ پنجابی زبان تے ادب اُتے ہوئی کھوج تے پرکھ چھپدی اے۔

ایس رسالے نوں چھاپݨ دی تجویز پنجاب یونیورسٹی دے وائس چانسلر خیرات محمد ابن رسا نے دتی سی۔ اورینٹل کالج دا رسالہ پہلے توں چھپ رہیا سی پر اوہدے وچ ہور بولیاں دا کم وی چھپدا سی۔ اک ایسے میگزین دی لوڑ سی جیہدے وچ صِرف پنجابی زبان تے ادب دا کم ہی ہووے۔ پروفیسر ڈاکٹر وحید قریشی نے ہتھ ونڈایا۔ ڈاکٹر شہباز ملک ایہدے پہلے ایڈیٹر سن۔