چُست، ازبکستان

چُست Chust/Чуст
شہر
چُست ازبیکستان وچ تھان ٹکانہ
متناسقات: 40°59′52″N 71°14′25″E
دیس	ازبکستان
صوبہ	صوبہ نمنگان
ضلع	ضلع چست
شہر دا درجہ	1969
بلندی	۱,۱۰۰ میٹر (۳,۶۰۰ فٹ)
آبادی (2004)
• کل	۶۳,۸۰۰
منطقۂ وقت	UZT (UTC+5)
• گرما (گرمائی وقت)	ماپیا نہیں گیا (UTC+5)
ڈاک کوڈ	161100
ٹیلی فون کوڈ	+998 6942

چُست (ازبک: Chust/Чуст; تاجک: Чуст; روسی بولی: Чуст) چڑھدے ازبیکستان وچ اک شہر اے۔ ایہہ چست ضلعے دا انتظامی مرکز اے۔ چست شہر فرغانہ وادی دے شمالی کونے وچ چستسوئے دریا دے نال واقع اے۔

چست فرغانہ وادی دے سبھ توں پرانے شہراں وچوں اک اے۔ فرغانہ شہر نوں جان والا رستہ اتھوں لنگھدا اے۔ ایہہ سڑک چست نوں نمنگان، اندیجان اتے فرغانہ نال جوڑدی اے۔

چُست سوویت یونین دے ویلے بہت ہی اہم بدلاء وچوں لنگھیا۔ اس ویلے دوران اتھے بہت ساریاں فیکٹریاں اتے ادارے بنائے گئے سن۔ ہن ایہہ شہر کپاہ نال متعلق صنعت دا اک اہم مرکز اے۔

اتہاس

چُست فرغانہ وادی دے سبھ توں پرانے شہراں وچوں اک اے۔ آثار قدیمہ سروےآں وچوں، جہڑے کہ 1953,1957,1959 اتے 1961 وچ کروائے گئے سن، جہناں وچوں پچھلے کانسی ویلہ جاں مڈھلے لوہا ویلہ دیاں چیزاں ملیاں سن، چست دے شہر دا اجکلھ دا علاقہ اے۔ چست بارے پہلی سائنسی جانکاری اے۔ ایفّ۔ مڈنڈور دی کتاب فرغانہ وادی دے قصے جہڑی کہ سینٹ پیٹرزبرگ وچ 1882 وچ شائع ہوئی سی۔ مقامی لوکاں دے مطابق چُست فارسی دا شبد اے، جسدا مطلب تیز اے۔

وچکار دور دے دوران، چست اک اہم قلعہ سی۔ بابر دے پیؤ عمر شیخ مرزا نے چست نوں اپنا گھر بنایا سی۔ 16ویں صدی دے دوران ایہہ شہر بہت سارے چھوٹے قلعیاں دا بنیا ہویا سی۔ قلعے دے آلے-دوآلے اک کندھ وی بنائی گئی سی۔ 1882 وچ ایہہ کندھاں ڈھاہ دتیاں گئیاں اتے شہر نے پسرنا شروع کیتا۔

ویلے دے نال چست اک اہم صنعتی مرکز بن گیا۔ اس شہر دے لوہار، درزی اتے سنیارے وغیرہ مشہور ہون لگے۔ چست دے چاقو اتے اتھوں دیاں ولکھن ٹوپیاں خاص کرکے مشہور ہن۔

وچکار ایشیا دے روسی پھیلاء توں پچھوں، چست وچ کئی نویاں فیکٹریاں بنیاں۔ 1912 وچ اتھے چھ کپاہ ملاں اتے اک چمڑہ فیکٹری سی۔ چست نوں 1926 وچ بنے چست ضلعے دا انتظامی مرکز بنا دتا گیا۔ چست نوں شہر دا درجہ 1969 وچ دتا گیا۔

جغرافیہ

چست سمندر پدھر توں ۱٬۰۰۰ میٹر (۳٬۳۰۰ فٹ)-۱٬۲۰۰ میٹر (۳٬۹۰۰ فٹ) دی اچائی تے واقع اے۔ سڑک راہیں ایہہ نماگان توں ۴۱٫۳ کلومیٹر (۱۳۵٬۰۰۰ فٹ) دی دوری تے واقع اے۔ ایہہ شہر فرغانہ وادی دے شمالی سرے تے چستسوئے دریا دے کنارے واقع اے۔

لوک

نال لگدے شہر کوسونسوئے دے وانگ، اس شہر وچ فارسی بولن والے تاجک ہن۔ اس طرحاں ایہہ شہر ازبیک بہو گنتی والی فرغانہ وادی وچ بہت سارے فارسی بولن والے تاجک لوکاں دا اک گروہ اے۔

موسم

چست وچ براعظمی آب و ہوا اے جس وچ سردیاں بہت ٹھنڈھیاں اتے گرمیاں گرم ہندیاں ہن۔ جولائی دا اوسطاً درجہ حرارت ۲۷ °C (۸۱ °F) اتے جنوری دا اوسطاً درجہ حرارت۰ °C (۳۲ °F) ہندا اے۔

Chust دا موسم
مہینا	جنوری	فروری	مارچ	اپریل	مئی	جون	جولائی	اگست	ستمبر	اکتوبر	نومبر	دسمبر	سال
اوسطاً ودھ سینٹی گریڈ	4	6	12	20	25	31	33	32	26	20	13	7	۱۹.۱
اوسطاً گھٹ سینٹی گریڈ	-4	-2	3	9	13	19	21	19	14	8	3	-1	۸.۵
مینہہ م م	29.9	6.5	11.7	9.2	106.1	7.4	2.9	4	5	8.7	8.3	13.4	۲۱۳.۱
اوسطاً ودھ °ف	39	43	54	68	77	88	91	90	79	68	55	45	۶۶.۴
اوسطاً گھٹ °ف	25	28	37	48	55	66	70	66	57	46	37	30	۴۷.۳
مینہہ انچ	1.177	0.256	0.461	0.362	4.177	0.291	0.114	0.16	0.2	0.343	0.327	0.528	۸.۳۹
جتھوں لیا:

آبادی

چست دی سرکاری جنگننا دے مطابق آبادی 2004 وچ 63,800 سی۔ تاجک اتے ازبیک اس شہر دے سبھ توں وڈے نسلی گروہ ہن۔

معیشت

چست کپاہ متعلق صنعت دا اک اہم مرکز اے۔ اس توں علاوہ ایہہ اپنیاں خاص قسم دیاں ٹوپیاں جہناں نوں تیوبتیکا کیہا جاندا اے اتے جیب وچ پاؤن والے چھوٹے چاقوآں لئی وی جانیا جاندا اے۔ اس شہر وچ قومی چاقو فیکٹری اے، جس وچ دھاتو کاریگر بہت ہی ولکھن اتے خاص قسم دے چاقو بناؤندے ہن، جہناں دی ہریک باریک دا بڑا خاص دھیان رکھیا جاندا اے۔ چاقو جہناں دی نوک ٹیڈھی ہندی اے، چست کاریگراں دا مارکہ اے۔

اس ویلے وچ شہر وچ کئی جائنٹ-سٹاک کمپنیاں ہن۔ ایہناں وچ بیریئن، پاختا تولاسی اتے چستمش شامل ہن۔ اس توں چست وچ کجھ بیکریاں، اک پرٹنگ ہاؤس اتے ہور چھوٹے کاروبار وی ہن۔

سکھیا

چست شہر وچ کئی کالج اتے ووکیشنل سکول ہن:

• چست کالج آف پیڈاگوگی
• چست کالج آف میڈیسن
• چست کالج آف ایگریکلچر
• چست کالج آف اکانومی
• چست کالج آف سپورٹز
• چست اکادمک لسیئم

اس توں علاوہ چست وچ کئی بورڈنگ سکول، دو سنگیت اتے کلا دے سکول، چھ ووکیشنل سکول اتے تن بچیاں دے کھیڈ سکول وی ہن۔

مشہور لوک

کاروبار نال متعلق علیشیر برہانووچ عثمانوف، جہڑا کہ ہن روس وچ رہندا اے، چست وچ 1953 وچ جنمیا سی۔ فوربس دے مطابق عثمانوف روس دے مکھ امیراں وچ آؤندا اے، جس کول $17.6 ارب ڈالر ہن اتے اوہ دنیا دا 34 واں سبھ توں امیر انسان اے۔

باہرلے لنک

• A photo gallery of Chust Archived 2011-10-25 at the وے بیک مشین

حوالے

ازبکستان دے شہر
راجگڑھ-:۞:-تاشقند
شہر	اندیجان • انگرین • اساکا • آلمالیق • اورگانچ • اوچقودوق • اورگوت • بیک آباد • بیرونی • بخارا • ترمذ • تورکول • توئی تپہ • جمعہ • جیزک • چیرچیق • چمبائی • چست خیوا • خوجائلی • رشتان • زرفشان • سمرقند • شہر سبز • سردریا • شیرین • غازار • غژدوان • فرغانہ • قوقند • قاراکول • قاراسو • قرشی • کتہ قورغان • کاگان کاسانسوئی • گلستان • مرغیلان • موئیناق • مبارک • نمنگان • نورآتا • نوکوس • نوائی • وابکینت • یانگی آباد • یانگی یول • یانگیئر

ازبکستان دی انتظامی ونڈ
راجگڑھ	تاشقند
خودمختار لوکراج	قراقل پاکستان (نوکوس)
صوبے(راجگڑھ)	اندیجان(اندیجان) • بخارا(بخارا) • تاشقند(تاشقند) • جیزک (جیزک) • خوارزم(اورگانچ) • سرخان دریا(ترمذ) • سمرقند(سمرقند) • سردریا(سردریا) • فرغانہ(فرغانہ) قشقہ دریا(قرشی) • نمنگان(نمنگان) • نوائی(نوائی)

صوبہ نمنگان
راجگڑھ:۞:نمنگان
ضلع (راجگڑھ)	ضلع اُوچ قُرغان(اوچ قرغان) • ضلع اوئچی(اوئچی) • ضلع پاپ(پاپ) • ضلع توراقرغان(توراقرغان)  • ضلع چارتاک(چارتاک) • ضلع چست(چست (شہر))ضلع کسانسے(کسانسے)  • ضلع منگبولاک(جمعہ شوئی) • ضلع نمنگان(تاشبولاک) • ضلع نارین(خاک کول آباد) • ضلع یانگی قرغان(یانگی قرغان)