وارڈ
وارڈ یا واڑ (Ward) مقامی حکومت دا اک حلقہ یا اکائی اے، جو عام طور تے انتخابی مقاصد لئی استعمال ہُندا اے۔ کچھ ممالک وچ وارڈز دا نام عام طور تے گوانڈھ، سڑکاں، پیرشاں، نشانیاں، جغرافیائی خصوصیات تے بعض صورتاں وچ اس علاقے ناݪ مُنسلک تریخی شخصیئتاں دے نام اُتے رکھیا جاندا اے (مثلن، وِلیئم مورس وارڈ لندن بورو آف والتھم فاریسٹ، انگلینڈ)۔ امریکا وچ عمومن وارڈاں نوں صِرف نمبر دِتا جاوے۔
اِبتداء
سودھووارڈموٹس
سودھوانتخابی ذیلی تقسیم لئی لفظ "وارڈ"، ایہجا لگدا اے کہ ایہدی ابتداء لندن دے شہر دے وارڈز توں ہوئی اے، جِتھے 12ویں صدی توں "وارڈموٹس" دے نام توں جاݨ جاݨے واݪے ہر وارڈ لئی اجتماعات ہوئے نیں۔[۱] ایہ لفظ بہت بعد وچ انگلینڈ تے ویلز تے آئرلینڈ دے دوسرے شہراں تے قصبیاں دی تقسیم اُتے لاگو ہویا۔ شمالی انگلینڈ دے کچھ حصیاں وچ اک وارڈ، کاؤنٹی دی اک انتظامی ذیلی تقسیم سی، جو انگلینڈ دے دوسرے حصیاں وچ Hundred (county division) ناݪ مݪدا جݪدا سی۔
واڑ تے واڑا
سودھولفظ وارڈ دی اک شکل واڑ تے واڑا، پنجابی زبان وچ مستعمل اے۔ واڑ پنجابی وچ جگہ دا اک پچھیتر اے جِداں کھیل + وا ڑ = کھلواڑ ، پُھل + واڑ = پھلواڑ ، کشت (کاشت) + واڑ = کشتواڑ۔ واڑا (طویلا) پنجابی زبان وچ اوہ تھاں اے جِتھے ڈنگر رکھے جاندے نیں۔
وارڈن
سودھوانگریزی وچ لفظ وارڈن استعمال کیتا جاندا اے جیہدا مطلب پاسبان، راکھا، ناظر، نگہبان، محافظ، داروغا یا نگران اے۔
موجودہ دور وچ
سودھوآسٹریلیا، کینیڈا، نیوزی لینڈ، سری لنکا، جنوبی افریقا، برطانیا تے امریکا وچ وارڈز اک اِنتخابی ضِلع یا حلقہ نیں، اک ضلع یا میونسپلٹی دے اندر، جو مقامی حکومتاں دے انتخابات وچ استعمال ہُندے نیں۔ امریکا وچ پولنگ دے مقاصد لئی وارڈز نوں عام طور تے حدود وچ تقسیم کیتا جاندا اے۔ پاکستان دیاں مقامی حکومتاں وچ وارڈ اک بنیادی یونٹ اے۔ پنجاب، پاکستان وچ دیہی یونیئن کونسلاں وچ اک پنڈ اک وارڈ دی حیثیئت رَکھدا اے تے شہری یونیئن کونسلاں نوں وی وارڈاں وچ تقسیم کیتا جاندا اے۔ بھارت وچ کچھ شہراں وچ، جِداں ممبئی تے دہلی وچ، وارڈ شہر دے علاقے دی اک انتظامی اکائی اے۔ اک شہر دے علاقے نوں زونز وچ تقسیم کیتا گیا اے، جیہدے نتیجے وچ متعدد وارڈز نیں۔ بھارت وچ گرام پنچایتاں دی سبھ توں چھوٹی انتظامی اکائی نوں وارڈ دے نام توں وی جاݨیا جاندا اے۔ بنگلا دیش وچ وارڈز، شہر یا قصبے دی ذیلی تقسیم نیں جو سٹی کارپوریشنز تے میونسپلٹیز (پوراشوا) دے تحت چلدے نیں۔ مشرقی افریقا وچ، انگریزی وچ استعمال ہوݨ واݪے لفظ وارڈ دا ترجمہ سواحلی وچ Kata (قطعہ) دے طور تے کیتا جاندا اے۔
ہور دیکھو
سودھوحوالے
سودھو- ↑ City of London: Statement as to the Origin, Position, Powers, Duties, and finance of the Corporation of London (Great Britain Royal Commission on London Government, October 1893), p. 6