واخان لانگھا
واخان لانگھا یا واخان راہداری (انگریزی: Wakhan Corridor)، (فارسی: دالان واخان)، افغانستان دے صوبہ بدخشاں دے علاقے دی اک تنگ پٹی اے، جو چین دے علاقے سنکیانگ تک پھیلی ہوئی اے تے تاجکستان تے پاکستان نوں الگ کردی اے۔ اس اُچی پہاڑی وادی توں پنج تے پامیر ندیاں نکل کے وڈا دریائے آمو بݨدا اے۔ وادی توں گزرن والے تجارتی راستے نوں قدیم زمانے توں مشرقی ایشیا، جنوبی ایشیا تے وسطی ایشیا جاݨ والے مسافر استعمال کردے رہے نیں۔
| واخان لانگھا | |||||||||||||
|---|---|---|---|---|---|---|---|---|---|---|---|---|---|
| |||||||||||||
| واخان لانگھا | |||||||||||||
| چینی نام | |||||||||||||
| سادہ چینی | 瓦罕走廊 | ||||||||||||
| روایتی چینی | 瓦罕走廊 | ||||||||||||
| لغوی معنی | واخان لانگھا | ||||||||||||
| |||||||||||||
| متبادل چینی نام | |||||||||||||
| سادہ چینی | 阿富汗走廊 | ||||||||||||
| روایتی چینی | 阿富汗走廊 | ||||||||||||
| لغوی معنی | Afghan Corridor | ||||||||||||
| |||||||||||||
| دوسرا متبادل چینی نام | |||||||||||||
| سادہ چینی | 瓦罕帕米尔 | ||||||||||||
| روایتی چینی | 瓦罕帕米爾 | ||||||||||||
| لغوی معنی | واخان پامیر | ||||||||||||
| |||||||||||||
| دری نام | |||||||||||||
| [[دری زبان|دری]] | دالان واخان | ||||||||||||
واخان لانگھے دی تَنگ پٹی برطانوی راج دے مورٹیمر ڈیورنڈ تے افغانستان دے امیر عبدالرحمن خان دے درمیان 1893 دے معاہدے توں بعد افغانستان نوں دِتی گئی۔ اوس ویلے ایس تَنگ پٹی نے روسی سلطنت (موجودہ تاجکستان) تے برطانوی سلطنت (موجودہ پاکستان) دے درمیان بفر زون دے طور تے کَم کیتا۔ ایہدے مشرقی سِرے دی سرحد چین دے علاقے سنکیانگ نال مِلدی اے، جیہدے اُتے چنگ خاندان نے دعوا کیتا سی۔
ایہ راہداری افغانستان دے صوبہ بدخشاں دے ضلع واخان وچ اے۔ 2020 تک، ایہدے واسیاں دی تعداد 17,167 سی۔ واخی تے پامیری لوکاں دی آبادی والے واخان دے شمالی حصے نوں پامیر وی کہیا جاندا اے۔