نہنگ خان

نہنگ خان (شاہمکھی: نهنگ خاں) روپڑ نیڑے پنجاب، بھارت اک چھوٹی جہی ریاست کوٹلہ نہنگ خان دا ذمیندار حاکم سی۔ اوہ دسم اتے آخری سکھ گرو، گرو گوبند سنگھ دا دوست اتے پیروکار سی۔ گرو اتے اس دے ساتھی اکثر نہنگ خان کول آ کے ٹھدل سن۔ جدوں گرو جی مغل فوجاں دے ظلماں دا ساہمنا کر رہے سن، نہنگ خان اوہناں دی پوری مدد کردا ہندا سی۔ نہنگ خاں پٹھان شاہ سلیمان غزنوی دی کل وچوں نورنگ خاں دا پتر سی۔

گرو گوبند سنگھ جی اتے نہنگ خان دی پہلی ملاقات وکرم سنوت سال 1745 (1688 عیسوی) وچ مگھر دے مہینے دی مسیا نوں ہوئی سی۔ نہنگ خان گرو جی توں اینا متاثر ہویا کہ اس نے اپنا سارا کجھ گرو دے کاج لئی پیش کرن دا اعلان کر دتا سی۔ اس دے اعزاز وجوں، سکھ مذہبی ساہت وچ اس نوں اکثر بھائی نہنگ خان دے روپ وچ مخاطب کیتا جاندا اے۔ نہنگ خان دا اک پتر بھائی عالم خان سی جس دے ویاہ موقعے 3 مئی 1694 نوں گرو جی وی حاضر ہوئے سن۔