نریش کمبوج

نریش کمبوج
جم	27 مئی 1964 (60 سال)
وفات
شہریت	بھارت
جماعت	انڈین نیشنل کانگرس
عملی زندگی
مادر علمی	کروکشیتر یونیورسٹی
پیشہ	سیاست دان

نریش کمبوج (جم ۲۷ مئی ۱۹۶۴) اکّ بھارتی سیاستدان اے، بھارتی قومی کانگرس دا لیڈر اتے موجودہ ویلے وچ ہریانہ , سرکار دے قرضہ صلاح بورڈ دا ممبر اے۔ اوہ جون ۲۰۰۶ وچ پہلی وار ہریانہ ماحول سرکھیا کونسل دے ممبر نامزد کیتا گیا سی۔ جنوری ۲۰۰۷ وچ اسنوں ہریانہ سرکار دے قرضہ صلاح بورڈ دا ممبر نامزد کیتا گیا سی۔

شروعاتی جیون

نریش کمبوج دا جم اکّ مشہور شخصیت چودھری کشوری لال کمبوج دے گھر اس ویلے دے بھارت دے انبالہ ضلعے دے فتح پور پنڈ وچ ہویا سی، جو ہن ہریانہ راج دے یمنا نگر دا اکّ حصہ اے۔ اسدا دادا چودھری کندن لال کمبوج انبالہ ضلعے دا اکّ چنگا جانیا جاندا سماجی کارکن سی۔ اوہ مکند لال نیشنل کالج دا سابقہ طالب علم اے۔ اسنے کروکشیتر یونیورسٹی، کروکشیتر توں بی.اے. دی ڈگری حاصل کیتی۔

سیاسی کیریئر

کمبوج دا جم اکّ سیاسی پروار وچ ہویا سی۔ اس دے پیؤ یمنا نگر دا اکّ ستکارت کانگرسی آگوُ اتے سرپنچ، نمبردار دے نال-نال بلاک سمتی ممبر سی۔ اس نے اسنوں سیاست وچ آؤن لئی راغب کیتا۔ اس نوں سیاست دا پہلا سواد ایم ایل عین کالج وچ پڑھدیاں ملیا جتھے اوہ NSUI دا پردھان بنیا اتے بعد وچ اوہ سال ۱۹۸۲-۱۹۸۳ وچ ضلعے دے اکو-اک کالج دی طالب علم یونین دا پردھان چنیا گیا۔ اس جت نے اس دے سیاسی کیریئر نوں اکّ ہلارا دتا۔ سال ۱۹۹۱ وچ اوہ گرام پنچائت فتح پور دا سرپنچ بنیا۔ سال ۱۹۹۱ وچ اوہ بلاک سمتی جگادھری دا ممبر چنیا گیا۔ اکّ کسان دا پتر ہون دے ناطے اسنے کساناں دی بھلائی لئی کم کرنا شروع کر دتا اتے بعد وچ کسان جدوجہد سمتی دے ضلع ونگ دا پردھان بن گیا اتے ۱۹۹۶ وچ اسنوں ہریانہ دے مستقبل دے وزیر اعلیٰ بھپندر سنگھ ہڈا نے دیکھیا، جسنے اسنوں مکھ دھارا دی سیاست وچ شامل ہون دی اپیل کیتی اتے اس نوں ہریانہ کانگرس کمیٹی دے چھچھرولی دے بلاک پردھان دے نال-نال ضلع کانگرس کمیٹی، یمنانگر؉ دا سینئر میت پردھان نامزد کیتا۔ ۲۰۰۰ دیاں ہریانہ صوبائی اسمبلی چوناں وچ اس ویلے دے صوبہ کانگرس پردھان ہڈا نے اس نوں چھچھرولی صوبائی اسمبلی سیٹ توں ٹکٹ دتی سی۔ پر اوہ چون بہت وڈے فرق نال ہار گیا۔ ہار توں بعد وی ہڈا نے اس وچ یعقین جتایا اتے سال ۲۰۰۲ وچ اس نوں ہریانہ کسان کھیت مزدور کانگرس دا میت پردھان نامزد کیتا۔ ۲۰۰۵ دیاں چوناں وچ کانگرس وچ بھجن لال دے مڑ ابھرن کارن اس نوں چھچھرولی توں ٹکٹ نہیں دتی گئی سی۔ پر بعد وچ ہڈا نوں ہریانہ دا وزیر اعلیٰ نامزد کیتا گیا۔ اتے اس نوں وکھ-وکھ سرکاری کمیٹیاں وچ نامزد کرکے اس دے لگاتار تعاون دا بدلہ چکایا۔ ۲۰۰۶ وچ، اسنوں ہریانہ ماحول سرکھیا کونسل دا ممبر نامزد کیتا گیا سی۔ جنوری ۲۰۰۷ وچ اسنوں قرضہ صلاح بورڈ، دا ممبر نامزد کیتا گیا سی۔

نجی جیون

نریش کمبوج دا ویاہ ۱۹۸۵ دے سال وچ ضلع کونسل دی سابقہ ممبر سمتا کمبوج نال ہویا۔ اوہناں دے دو پتر ہن۔

حوالے