مکعب نما
مکعب نما (Cuboid) جیومیٹری وچ چھے چوکور شکلاں وچ بند اک شکل اے جیہنوں مستطیلی ڈبا ای کہیا جاسکدا اے۔ ایہدے سارے زاویے قائما ہُندے نیں تے اک دوسرے دے سامݨے آݪے اضلاع مقدار وچ برابر ہُندے نیں۔ مکعب نما دا مطلب اے "مکعب وَرگا"۔ اک مکعب نما اس معنی وچ اک مکعب وَرگا اے کہ ایہدے کنارےآں دی لمبائی یا چہرےآں دے درمیان زاویےآں نوں ایڈجسٹ کرکے مکعب نما نوں مکعب وچ تبدیل کیتا جاسکدا اے۔ ریاضی دی زبان وچ اک مکعب نما اک محدب پولی ہیڈرون اے جیہدا پولی ہیڈرل گراف مکعب دے برابر اے۔ مکعب نما دی اک خاص صورت اک مستطیل مکعب نما اے، جیہدے وچ چہرےآں دے طور تے 6 مستطیل ہُندے نیں۔ ایہدے مُلحِقا چہرے قائما زاویےآں اُتے مِݪدے نیں۔ مستطیل مکعب نما دی اک خاص صورت اک مکعب اے، جیہدے چھے مربع چہرے قائما زاویےآں اُتے مِݪدے نیں۔
