موکدن حادثہ

مکدن حادثہ
بسلسلہ منچوریا تے جاپان دا قبضہ
جاپانی فوج مکدن وچ داخل ہندی ہوئی۔
تاریخ 18 ستمبر، 1931 – 18 فروری، 1932 مقام منچوریا، چین لوکراج نتیجہ جاپان جیتو
محارب
چین لوکراج (1912–1949)	جاپان بادشاہی
کمانڈر اور رہنما
زہنگ زیولنگ ما زہنشان پھلنگ زہنہائی	شگیرو ہونجو جرو منامی
طاقت
160,000	30,000–66,000
ہلاکتیں اور نقصانات
?	?

مکدن دا حادثہ جاں منچوریا انسیڈنٹ چین اتے جاپان وچکار لڑائی دا مکھ کارن منچوریا سی کیونکہ جاپان کسے وی قیمت اُتے منچوریا تے قبضہ کرنا چاہندا سی۔ اسلئی اس نے حملہ کرکے جت حاصل کیتی۔

وانپوشاں اتے ناکامورا دے معاملے

وانپوشاں دا تعلق کوریا نال سی۔ ایہہ لوک منچوریا وچ وس گئے اتے زمیناں حاصل کر لئیاں۔ اس واسطے منچوریا لوکاں نوں زمین واسطے پانی دی ضرورت سی۔ ایہناں لوکاں نے بنّھ بناؤن لئی کھائیاں پٹن دا کم شروع کر دتا جس نوں چین دے کساناں نے روکیا پر اخیر وچ لڑائی شروع ہو گئی۔ دوناں سرکاراں نے طاقت توں کم لیا تے جانی نقصان ہویا۔ دوناں دیساں وچ بھنڈی پرچار ہویا جس نال جاپان، کوریا، چین اُتے منچوریا وچ پرچنڈتا بھیانک روپ دھارن کر گئی۔ اجے ایہہ حادثہ ٹھنڈا نہیں ہوئیا سی کہ ناکامورا دا معاملہ بھڑک اٹھیا۔ جون 1931 نوں جاپانی فوج دے کپتان ناکامورا نوں چینی فوجیاں نے اک اجاڑ تھاں تے مار دتا۔ چینی سرکار ایہہ کہہ رہی سی کہ کپتان ناکامورا دے پاسپورٹ دی جانچ پڑتال مگروں اس نوں حراست وچ لیا گیا تے دوڑن دا یتن کرن تے ماریا گیا۔ دوجے پاسے جاپان وچ چین مخالف جذبات بھڑک اٹھے تے لوک جاپانی سرکار اُتے چین متعلق کٹھور پالیسی اپناؤن لؤ زور پا رہے سن۔

مکدن دا حادثہ

چین اتے جاپان ہر روز کوئی نہ کوئی گھٹنا واپردی رہندی سی۔ جاپان فوجی ہر روز ہی مشق کردے رہندے سن تے گولیاں چلن دی آواز عامَ ہی آؤندی رہندی سی تے لوکاں واسطے ایہہ عامَ مشق سی۔ 18 ستمبر 1931 نوں جدوں مکدن دے لوک اٹھے تے حیران ہوئے تے اپنے آپ نوں جاپانیاں دی قید وچ پایا۔ جاپانی فوج نے کیہا کہ چینی فوجی رات نوں ریلوے لائن نوں اڈاؤن دی کوشش کر راہے سن تے لڑائی ہو گئی پر چینی اس نوں منگھڑت واقعہ دسّ رہے سن۔ اس نال جاپان منچوریا دے راجگڑھ مکدن اپر قبضہ کرن مگروں جاپانی فوج نے آلے-دوآلے دے لمبے چوڑے کھیتر اُتے قبضہ کر لیا۔ فوجی اہلکاران دے حکم نال صوبائی چینی سرکار توں اقتدار حاصل کر لیا۔ 3 جنوری 1932 نوں اس فوج نے چنچو اُتے قبضہ کر لیا۔ جاپانی فوج بہت تیزی نال جتاں اپر جتاں حاصل کر رہی سی تے چین دی مہان دیوار دے نیڑے پہنچ گئی۔ اس طرحاں سارے منچوریا اُتے جاپان دا قبضہ ہو گیا۔

سٹہ

اصل وچ منچوریا ہی چین اتے جاپان وچکار لڑائی دا مکھ کارن سی۔ جاپان ہر حالت وچ منچوریا اُتے قبضہ کرنا چاہندا سی اتے انت وچ کر لیا۔ اس قبضے دی دنیا دے سارے دیساں وچ تیبر درعمل ہوئیا۔ منچوریا اُتے قبضہ ہون تے چین نے اقوام متحدہ توں مدد دی منگ کیتی۔

حوالے