مرقع دہلی
مرقع دہلی ہندوستان وچ برطانوی ایسٹ انڈیا کمپنی دے اک سیاسی ملازم (ایجنٹ) تھامس مٹکاف نے مرتب کیتا سی ۔ ایہ مرقع دراصل مغل مصورین دا شاہکار مجموعا اے جیہدے وچ بیشتر تصاویر مظہر علی خان (مغل مصور) دیاں نیں ۔ ایہ مرقع جنگ آزادی 1857ء توں پہلاں دہلی دی معاشرتی تے عوامی زندگی دا اہم ترین ماخذ اے ۔
.jpg)
تریخ سودھو
مرقع دہلی تھامس مٹکاف دا مرتب کردہ اے جیہڑا ایسٹ انڈیا کمپنی دا دہلی وچ متعین سیاسی ایجنٹ سی ۔ ایہ مرقع 1844ء وچ مکمل ہویا سی ۔ اِس مرقع وچ 120 منقش تصاویر موجود سی تے ایہناں منقش تصاویر نوں مظہر علی خان (مغل مصور) نے تیار کیتا سی ۔ تھامس مٹکاف آخری مغل شہنشاہ بہادر شاہ ظفر دے دربار وچ ایسٹ انڈیا کمپنی دا ایجنٹ سی تے اِس مرقع دی تیاری وچ اوہنوں براہِ راست مغل مصور میسر آئے ۔ ایہ مرقع دراصل تھامس مٹکاف دی بیٹی ایملی (Emily) لئی بݨایا گیا سی تاکہ اوہنوں لندن بھیجیا جا سکے ۔
