مون سون

مون سون، ہواواں، بدݪاں تے بارشاں دا نظام اے۔ اے موسم گرما وچ جنوبی ایشیا، جنوب مشرقی ایشیا تے مشرقی ایشیا وچ بارشاں دا سبب بݨدا اے۔ اپریل تے مئی دے مہینیاں وچ افریقا دے مشرقی ساحلوں دے کوݪ خط استوا دے آسے پاسے بحر ہند دے اُتے گرمی دی وجہ توں بخارات بݨݨ دا عمل ہُندا ے اے بخارات بدݪاں دی شکل اختیار کر لیندے نیں تے مشرق وَل مون٘ھ موڑدے نيں۔ جون دے پہلے ہفتے وچ اوہ سری لنکا تے جنوبی بھارت پہنچدے نیں تے فیر مشرق وَل نِکݪ جاندے نیں۔ اوہناں دا کچھ حِصہ بھارت دے اُپر برسدا ہویا سلسلہ کوہ ہمالیا ناݪ آ ٹکراؤندا اے۔ بدݪاں دا کچھ حِصہ شمال مغرب دی طرف پاکستان دا رخ کردا اے تے جولائی دے اَدھ وچ سوݨ دے مہینے دے آغاز توں مون سون دے بدݪ لہور پہنچدے نيں۔ مون سون عربی دا لفظ اے۔ اے لفظ 'موسم' دی بدلی ہوئی شکل اے۔