قومانتری تینویں دیہاڑا

قومانتری زنانی دہاڑا
قومانتری عورت دیہاڑا، 8 مارچ 1914 نوں درشاندے اک جرمن پوسٹر دا پنجابی ترجمہ: “عورتاں نوں ووٹ دا حق دیو۔ عورت دیہاڑا، 8 مارچ 1914۔ ہن تکّ، بھیدبھاو اتے پچھاکھڑی نظرئیے نے اوہناں عورتاں نوں سبھناں سماجی حقاں توں ونچت رکھیا اے، جنہاں نے مزدوراں، مانواں، اتے شہریاں دے کردار وچّ پوری ذمہ داری نال اپنے فرض دا پالن اتے نگرپالکا(میونسپل) دے نال-نال دیس نوں وی ٹیکس ادا کردیاں نیں ۔ ایہناں قدرتی انسانی حقاں لئی ہر عورت نوں درڑھ اتے اٹٹّ ارادے دے نال لڑنا چاہیدا اے۔ اس لڑائی وچّ کسے وی پرکار دی ڈھلّ دی آگیا(اجازت) نہیں اے۔ سبھ عورتاں اتے لڑکیاں آؤن، ایتوار، 8 مارچ 1914 نوں، شام 3 وجے، 9ویں عورت مجلے وچّ شامل ہون۔”
مناݨ والے	سارے سنسار وچّ
قسم	قومانتری
اہمیت	شہری چیتنا دیہاڑا عورتاں اتے لڑکیاں دا دیہاڑا
تریخ	8 مارچ
تکرار	سالانہ
منسلک	قومانتری بال دیہاڑا قومانتری آدمی دیہاڑا قومانتری مزدور دیہاڑا

قومانتری عورت دیہاڑا جاں بین القوامی عورت دن جاں عالمی یوم خواتین (انگریزی:International Women's Day (IWD)، مڈھ وچّ International Working Women's Day کیہا جاندا سی ) اک مئی دی طرحاں اوہناں دناں وچوں اک اے جہڑے سبھ توں پہلاں قومانتری طور تے منائے جان لگے۔ ایہہ ہر سال اٹھ مارچ نوں منایا جاندا اے۔

اتہاس

کلارا جیٹکن اتے روزہ لکسمبرگ،1910

اس اتسوَ دا اتہاس 8 مارچ 1857 توں شروع ہندا اے، جدوں نیویارک وچّ بنکر عورتاں نے تتھاکتھت “خالی پتیلا جلوس” کڈھیا سی اتے کپڑا ملاں وچّ اپنے کم دیاں حالتاں وچّ سدھار دی منگ کیتی سی۔

17 اگست 1907 نوں کلارا جیٹکن نے سٹٹگرٹ وچّ پہلا بین القوامی سماج وادی عورتاں دی قومانتری کانفرنس دا اعلان کیتا۔ پورے یورپ اتے برطانیہ توں 58 وفداں نے اس وچّ شرکت کیتی اتے عورتاں دے ووٹ دے حق اتے اک پرستاو(قرارداد) منظور کیتا۔ اس پرستاو نوں ایس پی ڈی دی سٹٹگرٹ کانگرس ولوں منظور کر لیا گیا۔ صدی دے پلٹے سمیں، اس سمیں جدوں اک ہی کم لئی عورتاں دی اجرت مرداں دی اجرت نالوں ادھی سی، انیک استری(عورت) سنگٹھن اتے بہت وڈی تعداد وچّ عورتاں سارے مزدور سنگھرشاں(جدوجہد) وچّ سرگرم روپ نال شامل سن۔

1910 وچّ کم کرن والیاں عورتاں دی کوپن ہیگن وچّ ہون والی دوجی انٹرنیشنل توں پہلاں عورتاں دی اک قومانتری کانفرنس کیتی گئی۔ شوشل ڈیموکریٹک پارٹی جرمنی لیڈر لوئیس زیتز (Luise Zietz) نے اس میٹنگ وچّ قومانتری عورت دیہاڑے دا سجھا دتا سی اتے کمیونسٹ آگوُ کلارا جیٹکن نے اسدا سمرتھن کیتا۔ پر کوئی نسچت تاریخ اس کانفرنس وچّ نہیں سی متھی گئی۔ اس کانفرنس وچّ 17 دیساں دیاں 100 توں ودھ عورتاں نے حصہ لیا تے اپروکت سجھاء نوں قبولدیاں قومانتری دیہاڑ نوں مناؤن لئی حامی بھر دتی۔

سبھ توں پہلا قومانتری عورت دیہاڑ 1911 وچّ 18 مارچ نوں منایا گیا۔ اس دن یورپ بھر وچّ اک لکھ عورتاں نے انیک مظاہرے کیتے۔

کجھ دن بعد 25 مارچ نوں نیویارک دی ٹرائنگل کپڑا فیکٹری وچّ لگی اگّ وچّ فیکٹری وچّ سرکھیا اپرالیاں دی کمی دے کارن 140 توں زیادہ عورت مزدوراں دی جلکے موت ہو گئی۔ عورتاں دے شوشن دیاں بھینکر پرستھتیاں اتے اوہناں نوں اوہناں دی سیاسی آزادی توں ونچت رکھن دے برجوا سنسدی یتناں دے خلاف بغاوت نوں اس گھٹنا نے ہور زیادہ بھڑکا دتا۔ 1913 وچّ دنیاں بھر دیاں عورتاں ووٹ دے اپنے ادھیکار(حق) دی منگ نوں اٹھا رہیاں سن۔

روس وچّ 1913 وچّ پہلی وار قومانتری عورت دہاڑا منایا گیا۔ سوویت ستا دی ستھاپنا دے بعد ایہہ سرکاری تیوہار ہو گیا سی، پھر 1965 توں اسنوں چھٹی دا دن وی بنا دتا گیا۔ 8 مارچ 1915 نوں الیگزینڈرا کولونتائی نے اوسلو دے کول کرسٹریانا وچّ لڑائی دے خلاف عورتاں دا اک مظاہرہ منعقد کیتا۔ کلارا جیٹکن نے عورتاں دا اک نویں قومانتری کانفرنس بلائی۔

گیلری

• 
  افغانستان، وومین افیئرز دی وزارت وکھے 2002 دی رسم
• 
  بگوٹا، کولمبیا، 2009.
• 
  وارسا، پولینڈ، 2010.
• 
  سڈنی، آسٹریلیا، 2011.
• 
  مالدیپ چ، 2012.
• 
  آروشا، تنزانیہ، 2012.
• 
  برازیل، 2013.
• صوبہ دایکنڈی ، افغانستان، 2010.
  صوبہ دایکنڈی ، افغانستان، 2010.

حوالے

باہرلے جوڑ

• UN Women, International Women's Day page
• International Women's Day – "A global hub for sharing International Women's Day news, events and resources"