فریحہ پرویز
| فریحہ پرویز | |
|---|---|
 | |
| جم | سنہ 1974 (عمر 49–50 سال) |
| وفات |
|
| شہریت |  پاکستان
|
| عملی زندگی | |
| پیشہ |
|
| دور فعالیت | 1996-Present |
ترمیم  | |
فریحہ پرویز (انگریزی: Fariha Pervez) اک پاکستانی پنجابی گلوکارہ، اداکارہ، نغمہ نگار، تے میوزک پروڈیوسر نیں۔ اوہ خاص طور تے مُختلف مقبول غزلاں لئی مشہور نیں۔ اوہناں نے پی ٹی وی وچ بہت کم عُمری توں ای اینکرنگ تے اداکاری دا آغاز کیتا۔ اوہناں نے نیاݨےآں دے اک مشہور میوزک پروگرام "آنگن آنگن تارے" دی شریک میزبانی وی کیتی۔ اوہناں دا پہلا البم "نائس اینڈ ناٹی" ریلیز ہوݨ توں بعد اوہناں دا گاݨا "پتنگ باز سجݨا" ہٹ ہوگیا تے اوتھوں میوزیکل کیریئر شروع ہویا تے اوہناں نے صِرف گاݨیاں اُتے توجہ مرکوز کرن دا فیصلہ کیتا۔
اِبتدائی زِندگی
سودھوفریحہ پرویز 2 فروری 1974 نوں لہور، پنجاب، پاکستان وچ پیدا ہوئیاں۔ اوہناں دا کہݨا اے کہ اوہناں نوں گلوکاری دا ہُنر اپݨے والد توں وراثت وچ مِݪیا۔ 1995 وچ فریحہ نے کلاسیکی موسیقی دی تربیئت واسطے ماسٹر فیروز گل نوں جوائِن کیتا۔ اوہناں دا تعلق پاکستانی شوبز دے فنکار گھرانے توں اے۔ اوہ دو بھراواں دی کلّی بھیݨ نیں۔ اداکارہ عارفہ صدیقی اوہناں دی کزن نیں۔
کیریئر
سودھوفریحہ پرویز نے اپݨے کیرئیر دا آغاز 90 دی دہائی دے شروع وچ اینکرنگ تے اداکاری ناݪ کیتا۔ فیر 90 دی دہائی دے وسط وچ اوہناں نے موسیقی وَل رُخ کیتا۔ اوہناں نے اپݨے کیرئیر دا آغاز بطور اداکارہ کیتا تے نیاݨےآں دے مشہور ڈرامے عینک والا جن سمیت کئی ڈراما سیریئلز وچ کم کیتا۔
فریحہ نے اپݨا پہلا میوزک ایلبم 1996 وچ ریلیز کیتا، جیہدا نام Nice & Naughty سی۔ اوہ ہُݨ تک سَت البمز ریلیز کرچُکیاں نیں تے ہر البم وچ اوہناں دے کئی ہٹ گاݨے نیں۔ اپݨے میوزیکل کیریئر دے دوران اوہناں نے کئی پاکستانی فِلماں، جِداں چیف صاحب (1996)، سیلاب، گھونگھٹ، سنگم، انتظار تے موسا خان لئی گیت گائے۔
گلوکارہ دے طور اُتے اپݨے ابتدائی دِناں وچ فریحہ پی ٹی وی دے مشہور پروگراماں وچ نظر آئیاں جیہناں وچ امیر خسرو کے صوفیانہ گیت، وہ بہار آئی تے چلمن شامل نیں۔ فریحہ پرویز نے عارفہ صدیقی، ارم حسن، سیمی زیدی، شبنم مجید تے سائرہ نسیم دے ناݪ وی گیت گائے نیں۔ اس توں علاوہ فریحہ نے پی ٹی وی دے کئی ڈرامیاں دے ٹائٹل گیت تے سِنگلز دے ناݪ ناݪ متعدد گاݨے گائے نیں۔
ایوارڈز
سودھو| نمبر | ایوارڈ دہندہ | ایوارڈ | سال | نتیجہ |
|---|---|---|---|---|
| 1 | پہلا انڈس میوزک ایوارڈ | بہترین گاݨا (کوکلا چھپاکی) فریحہ پرویز - بہترین خاتون پوپ آرٹسٹ |
2004 | Won |
| 2 | پہلا انڈس میوزک ایوارڈ | سال دی بہترین گلوکارہ | 2004 | Nominated |
| 3 | پہلا میوزک ایوارڈ | بیسٹ بیلڈ (یاد پیا کی آئے) | 2006 | Won |
| 4 | پہلا میوزک ایوارڈ | موسٹ وانٹڈ فیمیل | 2006 | Nominated |
| 5 | تیسرا انڈس میوزک ایوارڈ | سال دی بہترین گلوکارہ | 2007 | Won |
| 6 | پہلا ایم ٹی وی پاکستان میوزک ایوارڈ | سال دی بہترین گلوکارہ | 2009 | Won |
| 7 | پہلا پاکستان میڈیا ایوارڈ | بہترین اداکارہ | 2010 | Nominated |
| 8 | دوسرا پاکستان میڈیا ایوارڈ | سال دی بہترین گلوکارہ | 2011 | Won |
| 9 | پی ٹی وی نیشنل ایوارڈ | سال دی بہترین گلوکارہ 2010 | 2011 | Nominated |
| 10 | چوتھا متحرک خواتین دے دن دا ایوارڈز | موسیقی وچ کامیابیاں لئی خصوصی ایوارڈ | 2015 | Won |