غلطہ پل
غلطہپل جس نوں بازنطینی " مسیح دا پل" تے " وڈا پل" وی آکھدے سن ، استمبول (قسطنطنیہ) ترکی چ شاخ زریں دے لاگے واقع اک برج اے ۔ ایہہ شہر دے قدیم علاقے غلطہ دے اہم آثار قدیمہ چوں اک اے ۔ ایہہ 1348ء چ جینوا دے مل ماراں نے " مسیح دے برج" دے ناں نال اسارئیا سی ، اصل چ بازنطینیاں دا بنائیا ہوئیا پرانا غلطہ دا برج چوتھی صلیبی جنگ (1204ء) چ عیسائیاں دی آپسی لڑائی چ تباہ ہوگئیا سی ، جس دے بعد جینووا دے مل ماراں نے ایہہ نواں مینار کھڑا کیتا ۔ 9 منزلہ برج غلطہ دی کل بلندی 66اعشاریہ90 میٹر اے تے اسارے جان دے بعد ایہہ شہر دی سب توں اچّی تعمیر سی ۔ برج دا قطر ساڈھے 16 میٹر اے ، جدوں کہ اسدیاں کندھاں پونے 4 میٹر موٹیاں نیں ۔
برج دا اپرلا حصہ سلطنت عثمانیہ دے دور چ کئی وار نویں سرےاوں اسارئیا گئیا ۔ مشہور عثمانی تریخ دان سیاح اولیاء چلبی دے" سیاحت نامہ" دے مطابق 1630ء دی دہائی چ خضرفن احمد چلبی نے مصنوعی پراں نال اس مینار توں پرواز کیتی تے آبنائے باسفورس دے پار قسطنطنیہ دے ایشیائی حصے چ بحفاظت اتر گئیا ۔ اولیاء چلبی نے خضرفن دے بھائی لغاری حسن چلبی دا ذکر وی کیتا اے ، جس نے 1633ءبارود دے بھرے پنجرے دے زریعے پہلی راکٹ پرواز وی کیتی ۔اینہاں دوناں بھائیاں دا ذکر 1638ء چ جان ولکنز دی کتاب " ڈسکوری آف اے ورلڈ ان مون" چ وی ملدا اے ۔ 1960ء دی دہائی چ برج دے اندرلے اصلی لکڑی دے ڈھانچے نوں کنکریٹ نال بدل دتا گئیا تے اسنوں لوکاں لئی کھول دتا گئیا ۔ برج دے اتلے حصے چ اک ریستوران تے چاء خانہ وی نیں جتھوں استمبول تے باسفورس دا سوہنا نظارہ ویکھن نوں ملدا اے ۔
بارلے جوڑ
سودھوبرج غلطہ دی تعمیر
| وکیمیڈیا کامنز چ مورتاں: Galata Bridge |