عام چمپینزی

عام چمپینزی
دیس:	جنور
برادری:	کورڈیٹ
ٹولی:	ددپلانے
پتی:	آگو مانس
ٹبر:	بن مانس
ٹوکرہ :	چمپینزی
سائنسی ناں :	Pan troglodytes
پھرن تھاں رنگ وچ

عام چمپینزی بن مانس دے ٹبر دا اک سنگی اے جیہنوں صرف چمپینزی وی کیندے نیں۔ ڈی این اے تے پتھری جاندار توں ایدی نسل انسان دے سب توں نیڑے لکدے نیں۔ چمپینزی لیندے وشکارلے افریقہ دے جوکھے تھانواں تے پھیلیا ہویا اے۔ ایہ بونوبو نالوں چوکھا پھرتیلا ہوندا اے۔

وکھالہ

ایدے پنڈے تے کالی موٹی کھل ہوندی اے پر ایدا منہ، انگلاں، انگوٹھے، سدا ہتھ تے پیر دے تلے بنا والاں دے ہوندے نیں۔ ایدا جوکھ 40 توں 50 کلوگرام دے وشکار تے قد 1.6 توں 1.3 میٹر (5 فٹ 3 انچ توں 4 فٹ 3 انچ) تک ہوندا اے۔ ماں دے ٹڈ وچ بچہ 8 مہینے تک رندا اے 3 ورے مگراں ماں دا دد چھڈ کے وڈیاں دا کھان پین کھان لگ جاندا اے پر ماں نال جوڑ ہور کئی ورے تک ریندا اے۔ ایہ دس توں اٹھ ورے مگروں جوان ہوجاندا اے تے رکھیاں ہویاں اے 50 ورے تک جی سکدا اے۔

اوزار

عام چمپینزی 15 توں 150 دی ٹولی بنا کے ریندے نیں۔ کلے وی پھردے نیں تے نکیاں ٹولیاں بناکے کھان پین لبدے نیں۔ ایہناں دیاں ٹولیاں وج نراں دا راج ہوندا اے۔ سارے چمپینزی اوزار ورتدے نیں تے سوٹی، وٹے، پتے، کعا نوں ماکھیو، پانی، سیونکھ لین لئی ورتدے نیں۔ ایہنوں سوٹیاں دیاں چنجاں تیز کرکے رکھاں دیاں مگوریاں وچوں نیزے وانگوں مار کے کڈدیان دیکھیا گیا اے۔

پسار

عام چمپینزی وشکارلے تے لیندے افریقہ دے واسی نیں۔ ایناں دی گنتی 170,000 توں 300,000 تک اے۔ ایناں دے جیون دے رین دی تھاں تھوڑے ہوندے جا رۓ نیں تے ایس باجوں ایہ مک وی سکدے نیں۔

بارلے جوڑ

• [۱]

انسان	چمپینزی	گوریلا	اورینگوٹان