سیمون دا بووار

سیمون دا بووار
جمی:	9 جنوری 1908 فرانس
مری :	14 اپریل 1986
ویلہ :	20 ویں صدی دا فلسفہ
گن:	لکھاری

سیمون دا بووار ( 9 جنوری 1908 - 14 اپریل 1986) فرانس دی اک لکھاری، سیانی، فلسفی، سیاسی کمی تے زنانیاں دے ح‍قاں لئی لڑن والی اک زنانی سی۔ او اپنے آپ نوں فلسفی نئی سمجدی سی پر اودیاں سوچاں نے سوانیاں دیاں سوجاں تے کوڑے رنگ جھڈے نیں۔ سیمون دا بووار نے ناول، آرٹیکل، جیون لکھتاں، سیاست، فلسفہ، رہتل تے مونوگراف لکھے۔ اوہدے منے پمپرمنے ناولاں وچ " شی کیم ٹو سٹے"، "دا مینڈیرنز" تے "دا سیکنڈ سیکس" (دوجی جنس) ہیگے نے۔

پہلے سال

سیمون دا بووار پیرس چ جمی، جارج برٹرینڈ دا بووار دی وڈی تعی سی. سیمون دی نکی پیہن ہیلین سی جو مشھور فرانسیسی پینٹر سی۔ پہلی وڈی لڑائی وچ سیمون دے کعر آلاں نے دوواں پیہناں نو ودیا تعلیم لئی پیج دتا۔ 14 سال دی عمر تک سیمون مذہبی ہوندی سی، پر 14 توں بعد او ان متی (ایتھیسٹ) بن گئی، تے مرن تک ان متی (ایتھیسٹ) رئی۔

ژاں پال سارتر تے سیمون دا بووار

مڈھلے سال

سارتر

ژاں پال سارتر سیانا سی، پنج فٹ توں نکا قد رکھدا سی۔ اکتوبر 1929 وچ اوناں دوواں دی جوڑی بنی، جد سارتر نے اونوں شادی کرن دی دعوت دتی۔ اک دن سارتر نے باہر بیٹھے سیمون نوں آکھیا: "آ دو سال دے ٹھیکے تے دستخط کریے۔" اپنے جیون دے ختم ہون دے ویلے سیمون نے دسیا کہ: "میری شادی ممکن نئی سی جے میرے کول جہیز نئی سی۔"

سیمون دے بچے نئی سن، جیدی وجہ توں اونوں پڑھن لئی، سفر کرن لئی، لکھن لئی، سیاسی کماں لئی کافی وقت لب گیا۔

سارتر تے سیمون اک دوجے دا کم پڑھدے سن، تے اک دوجے دے کم نوں کافی متاثر کیتا جیویں سارتر دا کم "بینگ اینڈ نتھنگنیس" تے سیمون دا کم " شی کیم ٹو سٹے۔" سیمون دی لکھتاں نے ہیگل نوں وی متاثر کیتا۔

سکول پڑھائی

چی گویرا،ژاں پال سارتر، نونیز تے سیمون دا بووار

سیمون نے 1931 وچ مارسیلز وچ اک سیکنڈری سکول چ پڑھانا شروع کیتا تے فر رؤن وچ اک سکول لائیسے پائیرے کارنیلے چ ٹر گئی۔

"شی کیم ٹو سٹے"

بووار نے اپنا پہلا ناول 1943 وچ لکھیا۔

دا سیکنڈ سیکس (دوجی جنس)

"دوجی جنس" فرانسیسی چ لکھی گئی جو سوانی وجودیت بارے لکھی گئی جنے اخلاقی انقلاب لایا۔ وجودیت گرو دے طور تے سیمون دا ایہ مننا سی کہ "وجود اصل توں پہلاں آندا اے" اس لئی سوانی جمدیاں سوانی نئی ہوندی اوہنوں سوانی بنن تے مجبور کیتا جاندا اے۔

سوانیاں جے معاشرے دے قنون نئی مندیاں اوہناں نوں بری نظر نال ویکھیا جاندا اے، سوانیاں نوں "دوجا" انسان ورتیا جاندا اے۔ اک مرد کدی وی "میں مرد آں" دے عنوان تے کتاب نئی لکھے گا، اک مرد نوں کدی وی اپنی جنس دسن دی لوڑ نئی پوے گی، سوانی نوں دسنا پئے گا جے "میں سوانی آں"

ژاں پال سارتر تے سیمون دا بووار دی قبر