سرھوں دا ساگ
سرھوں دا ساگ اک مشہور سبزی پکوان اے۔ سرھوں دا ساگ لما ایشیا خاص طور تے پنجاب چ بیجیا تے پکایا جاندا اے۔ تریخی طورتے سرھوں دا ساگ پنجاب دے پنڈ واسیاں دی خوراک اے ۔ ایہدے اُتے کعر دے بݨے مکھݨ دا تڑکا پنجاب دے ہرے بھرے کھیتاں چ کم کرن آلے کساناں لئی غذائیت نال بھر پور کھاݨا اے۔ سرھوں دا ساگ زیادہ تر مکی دی روٹی نال کھادا جاندا اے۔
روایتی طور تے سرھوں دے ساگ چ مسالے نئیں پائے جاندے صِرف ہلکا جیہا لوݨ، ادرک، پالک، ہری مرچ، سرھوں دا ساگ، میتھی پا کے پکایا جاندا اے۔ عمومن ایہنوں اگ دی ہلکی لاٹ تے پاݨی چ پکایا جاندا اے۔ سرھوں دا ساگ پکوندے ویلے ایہنوں اودوں تک گھوٹنے نال ہلایا جاندا اے جد تک ایہ لوڑ دے مطابق سوادی نہ بݨ جاوے۔
پکاؤݨ دی ترکیب سودھو
روایتی طور تے ساگ تھلے دسے گئے اجزا تے ترکیب نال پکایا جاندا اے۔
اجزا سودھو
- سرھوں دا ساگ: 4 پاؤنڈ
- پالک : 2 پاؤنڈ
- میتھی : 2 پاؤنڈ
- پاݨی : ادھا کپ
- ادرک : 1 انچ دا ٹکڑا
- مکی دا آٹا : کھاݨ آلے 2 چمچے، 1 چوتھائی پانی چ حل کرلوو
- مکھݨ : حسب مرضی
- موٹی ہری مرچ : 5 سے 7 عدد
- لوݨ : حسب ذائقہ
ترکیب سودھو
درج بالا اجزا دی روشنی چ سرھوں دا ساگ پکاوݨ لی اک بڑی دیگچی چ ادھا کپ پاݨی پایا جانداے۔ ایس توں مگروں ایہدے چ ساریاں دسیاں گئیاں باقی چیزاں پا دِتیاں جاندیاں نیں تے فیر 15 توں 20 منٹ تک پکایا جاندا اے۔