سبحانی بایونس
| سبحانی بایونس | |
| جمݨستھان: | اورنگ آباد، ریاست حیدرآباد |
| جمن ورھا: | 1931ء |
| کم: | اداکار، صداکار |
| رہائش: | پی آئی بی کالونی کراچی |
| مرن دیہاڑ: | 30 مئی، 2006ء |
سبحانی بایونس، اک پاکستانی اداکار سی تے ٹیلی ویژن تے ریڈیو دی شخصیت سی، اوہناں دی آواز دے مُنفر معیار توں اوہناں نوں ریڈیو پاکستان وچ اک خاص مقام مِݪیا۔ سبحانی بایونس حضرمی چَوش نسل دے حیدرآبادی مسلمان سی۔
کَیرِیئر
سودھوسبحانی بایونس نے اداکاری دی اِبتداء سٹیج ڈرامیاں توں کیتی تے ریڈیو دے ناݪ ناݪ ٹی وی ناݪ وی مُنسلک رہے۔ شُرُوع وچ اوہناں نے زیادہ تر خواجہ معین الدین دے ڈرامیاں وچ پرفارم کیتا تے اوہناں دی وجہ توں ہی اوہ پاکستان ٹیلی ویژن دی طرف راغب ہوئے۔ خواجہ معین دے ڈرامیاں لال قلعے سے لالو کھیت تک تے تعلیم بلغاں دی شاندار کامیابی توں بَعد لکھاری نوں ڈرامیاں نوں ٹیلی ویژن لئی ڈھالݨ لئی دَعوت دِتی گئی۔ ریڈیو اُتے ایہناں ڈرامیاں وچ اہم کردار ادا کرن واݪے سبحانی بایونس نے پاکستان ٹیلی ویژن اُتے یکساں سہُولت ناݪ اداکاری دِیاں ذُمہ داریاں سن٘بھاݪِیاں تے کامیابی حاصل کِیتی۔ اوہ لال قلعے سے لالو کھیت تک تے تعلیم بلغاں وَرگے ڈرامیاں وچ شاندار پرفارمنس دے ناݪ ٹیلی ویژن اُتے اپنے لئی جگہ بناؤݨ وچ کامیاب ہوئے۔
اوہناں نے تعلیمِ بالغاں، انتظار فارمائیے، محمد بن قاسم، قصہ چار درویش، مرزا غالب بند روڈ پر، خدا کی بستی، تنہائیاں، دو دونی پانچ، لال قلعے سے لالو کھیت تک، کارواں، جنگل، زینت، جانے دو، انسان اور آدمی، آخری چٹان، لبیک، میرا نام منگو، بدلتے موسم تے با ادب با ملاحظہ ہوشیار وَرگے سُپر ہِٹ ڈرامیاں وچ کم کِیتا۔
تعلیمِ بالغاں وچ قصائی دے کردار توں اوہناں نوں شہرت حاصل ہوئی۔ پاکستان ٹیلی ویژن اُتے اوہناں نے آخری ڈراما باادب باملاحظہ ہوشیار کِیتا۔
اوہناں نے فِلماں وچ وی کم کِیتا، اقبال اختر دی نادان (1973ء) وچ وِلن دا کردار ادا کِیتا۔ اطہر شاہ خان جیدی دی آس پاس (1982ء)، اقبال اختر دی مسکراہٹ (1995ء) وچ کردار ادا کِیتا۔ اوہناں نے اک گجراتی فِلم من تے مان تے جاوید جبار دی انگریزی فِلم بی یونڈ دی لاسٹ ماؤنٹین (1977ء) وچ اداکاری کیتی۔
نِجی زِندگی
سودھوسبحانی با یونس 1931ء نوں ریاست حیدرآباد، برطانوی ہند وچ پیدا ہوئے سی۔ اوہناں دے وڈکے یمن دے شہر حضرموت توں ہِجرت کر کے ایتھے آئے سی۔ قیام پاکستان توں بعد اوہناں دا خاندان اگست 1949ء وچ کراچی وچ آ کے آباد گیا۔ اوہناں دا اک پُتر تے اک دھی اے۔
ایوارڈ
سودھواداکاری وچ اوہناں ی شاندار خدمات دے صِلے وچ اوہناں نوں 1999ء وچ حکومت پاکستان ولوں پرائیڈ آف پرفارمنس عطاء کِیتا گیا۔
وفات
سودھواوہ طویل علالت مگروں 30 مئی، 2006ء نوں کراچی وچ اپنی رہائش گاہ پی آئی بی کالونی وچ انتقال کر گئے۔ اوہناں نوں یاسین آباد قبرستان وچ سپُرد خاک کِیتا گیا۔