سانچہ:/شہدائے کربلا۳۲

مسلم بن عَوسَجَه (عربی: ابوحَجَل مسلم بن عوسجه الأسدي) حضرت امام حسین ابن علی دے اصحاب وچوں سن تے 10 محرم 61ھ چ عاشورہ دے دن کربلا چ شہید ہوئے ۔ آپ صحابی رسول سن ۔

آپ نے کوفہ چ مسلم بن عقیل دی مدد کیتی تے اینہاں دی شہادت مگروں اپنے ٹبر نال امام حسین نال آملے ۔

آپ «حبیب بن مظاهر»وانگ قبیلہ بنو اسد چوں سن تے ہجرت توں 20 سال پہلے یمن چ پیدا ہوئے. آپ رسول خدا حضرت محمد صلی اللہ علیہ و آلہ وسلم دےصحابی تے شیعان علی وچوں سن تے جنگ جمل ، جنگ صفین تے جنگ نہروان چ امام علی بن ابوطالب ولوں شریک سن ۔

آپ دا نسب اینج اے : مسلم بن عوسجہ بن ثلابہ بن دودان بن اسد بن خزیمہ الاسدی ۔ آپ دی کنیت ابوحَجَل سی ۔ آپ حضرت امام حسین دے صحابی سن ۔ مسلم بن عوسجہ تے حبیب ابن مظاہر دونےاں دا تعلق بنو اسدقبیلے نال سی ۔

اوہناں کوفہ چ مسلم بن عقیل دا ساتھ دتا تے اسلحہ خریدن تے لوکاں کولوں امام حسین دی بیعت لین دا کم کیتا ۔

ابن زیاد دے جسوس معقل نے مسلم بن عقیل دی محفوظ پناہ گاہ مسلم بن عوسجہ راہیں لبھی ، نتیجے چ ہانی ابن عروہ جسنے مسلم بن عقیل نوں پناہ دتی سی گرفتار کر لیا گیا ۔مسلم بن عقیل نے اک فوج منظم کردے ہوئے بنو اسد تے مذحج دے کمانڈر دے طور اتے مسلم بن عوسجہ نوں چنیا ۔ ہانی ابن عروہ تے مسلم بن عقیل دی شہادت مگروں کجھ چر لئی مسلم بن عوسجہ چھُپ کے رہے تے فیر اپنے ٹبر نال کربلا چ امام حسین نال آملے ۔

مسلم بن عقیل دی کوفے چ شہادت دے بعد مسلم بن عوسجہ چھُپ کےزندگی گزارن لگے ، کہ خبر آئی کہ امام حسین ابن علی کربلا چ پہنچ گئے ، آپ حبیب ابن مظاہر دے نال امام نال کربلا چ آملے

تاسوعا دی رات حسین ابن علی نے اپنے ساتھیاں نوں آکھیا :

توانوں کربلا توں جان دی اجازت اے ، تسیں بیعت تے مدد دے وعدے نوں چنگی طرح نبھایا ، تسیں جنگ لئی رکن لئی پابند نئیں ۔

کجھ اصحاب نے دوبارہ امام حسین نال اپنی وفاداری دہرائی ، بنو ہاشم دے مگروں مسلم بن عوسجہ پہلے سن جنہان نے آکھیا:

اوہ، حسین ابن علی اسیں توانوں کدی دی تنہا نئیں چھڈاں گے ۔ایہ کداں ممکن اے اللہ اگے مجبوریاں رکھئے؟ اللہ دی قسم ، کدی نئیں ۔ اسین توانوں کدی وی تنہا نئیں چھڈاں گے ۔ میں کدے نئیں چھڈاں گا ، میں دشمناں نوں اپنے نیزے تے تلوار نال وڈاں گا ایتھوں تک کہ ایہ زمیں تے ڈگ پین ، فیر میں اوہناں نوں پتھراں نال ماراں گا ۔ اللہ دی قسم ، میں توانوں کدے وی تنہا نئیں چھڈاں گا ایتھوں تک کہ میں اللہ اگے اپنے فرضاں نوں ادا کراں تے رسول اللہ صلی اللہ علیہ و آلہ وسلم دی اولاد دا دفاع کراں ۔اللہ دی قسم ، جے مینوں قتل کر دتا جائے ، میں دوبارہ زندہ ہو واں ، تے فیر جے مینوں جلا دتا جائے تے سواہ ہو جاواں ، میں دوبارہ زندہ ہو واں؛ تے جے ایہ 70 وار وی ہوئے میں تواڈے لئی لڑاں تے تواڈے لئی شہید ہو واں ۔ میں توانوں کدی نئیں چھڈاں گا جداں میں جاندا واں کہ اک وار میں مرنا اے ۔ ابدی عظمت تے وقار میرا ہوئے گا.

اینہاں نے کربلا دی جنگ چ بار بار ایہ رجز پڑھیا:

جے تواڈی خواہش مینوں جانن دی اے , میں شیر وانگ بہادر آں; میں بنو اسد وچوں آں.

مسلم بن عوسجہ کربلا دی جنگ دے پہلے شہید نیں ۔