رفیع خاور ننھا

رفیع خاور ننھا
جنمستھان :	لہور، پنجاب
جمن دیہاڑا :	4 اگست 1944
مرن دیہاڑا :	2 جون 1986
مرنستھان :	لہور
قبر :	لہور
مذہب :	اسلام
گݨ :	مخولیا اداکار

رفیع خاور ننھا پاکستان دے اک مشہور مخولیا اداکار سن ۔ اوہناں نے اپݨے شوبز کیریئر دا آغاز 1966 وچ کیتا تے نگار ایوارڈ سمیت بہت سارے ایوارڈ حاصل کیتے ۔

کیریئر

ننھے نے 1964 وچ ریڈیو پاکستان دے اک پروگرام دے ذریعے اپݨیاں فنکارانہ صلاحیتاں نوں ایس طرحاں بھرپور انداز وچ سامݨے لیاندا کہ فلمسازاں دیاں نظراں اوہناں ول اٹھ گئیاں۔ 1966ء وچ اوہناں دے فلمی کیریئر دا اغاز ہویا۔ ننھے دی پہلی فلم ’’وطن کا سپاہی’’ 1966 وچ ریلیز ہوئی۔ جیہنے اوہناں نوں فِلماں دی ضرورت بݨا دتا۔ اوہناں دے کھاتے وچ اݨ گِݨت فلماں نیں پر ’’پردے میں رہنے دو‘‘، ’’آس‘‘، ’’نوکر‘‘، ’’دبئی چلو‘‘، ’’سالا صاحب‘‘ تے ’’آخری جنگ‘‘ بہت مشہور ہوئیاں۔ منے پرمنے ننھے دے گول مٹول مُکھ اُتے معصومیت ہُندی سی۔ اوہ اپݨے موٹے پِنڈے نال بہت مخول تخلیق کر دے سن۔ سٹیج تے چڑھدے تاں دیکھݨ آلے ہسدے ہسدے لوٹ پوٹ ہو جاندے سن۔ ٹیلی وژن سکرین تے مشہور مخولیا پروگرام الف نون وچ ننھے دے ناں نال اوہناں دی مخولیا اداکاری لاجواب سی۔

موت

عین جوبن تے اوہ اداکارہ نازلی دے پیار وچ گرفتار ہوکے دل ہار بیٹھے۔ اوہناں نوں ایہ عشق راس نہ آ یا۔ اوہ نازلی دی بے وفائی دی گُجھی سَٹ سہہ نہ سکے تے 2 جون 1986 نوں اپݨے ہتھوں اپݨی جان وار دتی۔ ننھے نے ساری حیاتی لوکاں نوں ہسایا پر اوہناں دے اپݨے جیون دا ڈراپ سین بہت دُکھاں بھریا سی جیہنوں لوک اج تک نئیں بھلا سکے۔

فلمو گرافی

ورھا	فِلم
1966	وطن کا سپاہی
1976	نوکر
1979	دبئی چلو
1980	سوہرا تے جوائی
1981	اتھرا پُتر
1981	سالا صاحب
1981	جی دار
1982	دوستانہ
1982	نوکر تے مالک
1983	سونا چاندی
1984	"جدائی
1984	شُعلے
1984	کامیابی
1984	سجاول ڈاکو
1985	غلامی
1985	چوڑیاں
1986	قیدی
1986	ملنگا
1986	میلا
1986	آخری جنگ
1987	جرنیل سنگھ

ایوارڈز

ورھا	ایوارڈ	گروپ	فِلم	نتیجا
1977	نگار ایوارڈ	ودھیا مخولیا اداکار	بھروسا	جِتیا
1978	نگار ایوارڈ	ودھیا مخولیا اداکار	پلے بواے	جِتیا
1983	نگار ایوارڈ	ودھیا مخولیا اداکار	لَو سٹوری	جِتیا