رحل
رحل (عربی: رحال) اک کتاب سٹینڈ اے جیہدے اُتے مقدس کتاباں رَکھ کے پڑھیاں جاندیاں نیں ۔ رحل انگلش زبان دے حرف ایکس (X) دی شکل آلی چیز اے جیہڑی مڑݨ آلی تے کٹھی ہوݨ آلی ہُندی اے ۔ ایہ عمومن لکڑی دی بݨی ہُندی اے ۔ رحل عام طور تے مقدس کتاباں دی تلاوت لئی ورتی جاندی اے ۔ مسلماناں ، ہندواں، تے سِکھاں دے وچ عام اے ۔ تریخ دے آئینے وچ دیکھیا جاوے تاں پتا چَلدا اے کہ رحل مغربی ایشیا تے جنوبی ایشیا دے لوک زیادا استعمال کردے نیں ۔ مسلمان قرآن شریف دی تلاوت تے کتب احادیث ورگیاں مقدس تے بابرکت کتاباں پڑھݨ لئی استعمال کر دے نیں ۔
