راݨا بھگوان داس

راݨا بھگوان داس
چیف جسٹس پاکستان (سابقہ)
ناں :	راݨا بھگوان داس
جنمستھان :	ضلع لاڑکاݨا، پاکستان (موجودا)
جمن دیہاڑ :	20 دسمبر 1942
مرنستھان :	کراچی
مرن دیہاڑ :	23 فروری 2015
دیس :	پاکستان
مذہب :	ہندو مت
پیشا :	جج
عہدا :	چیف جسٹس پاکستان
تعلیم :	لاء ، ایم اے اسلامیات

راݨا بھگوان داس 20 دسمبر 1942 نوں نصیر آباد ، ضلع لاڑکاݨا، سندھ میں ہندو گھرانے وچ پیدا ہوئے ۔ اوہ قائم مقام چیف جسٹس پاکستان تے فیڈرل پبلک سروس کمیشن پاکستان دے چیئرمین وی رہ چُکے نیں ۔

تعلیم

راݨا بھگوان داس نے قنون دی ڈگری حاصل کیتی تے اسلامیات وچ ماسٹر کیتا ،

پیشا، قنون تے عدلیہ

راݨا بھگوان داس 1965ء میں بار وچ شامل ہوئے ۔ محض سال دی پریکٹس توں بعد 1967 وچ عدلیہ دا حصہ بݨے، کئی سال سیشن جج دے طور تے فرائض انجام دِتے ۔ 1994 وچ سندھ ہائی کورٹ دے جج بݨے تے 2000 وچ سپریم کورٹ پاکستان دے جج تعینات ہوئے ۔ مارچ 2007 نوں جسٹس افتخار چوہدری دی معزولی توں بعد جسٹس راݨا بھگوان داس نوں پرویز مشرف نے قائم مقام چیف جسٹس تعینات کیا ۔ اس دوران راݨا بھگوان داس پاکستان وچ موجود نئیں سی ۔ راݨا بھگوان داس نے عبوری آئینی حکم دے تحت حلف چکݨ توں انکار کر دِتا سی ۔ دیگر ججاں ونگوں اوہناں نوں وی گھر وچ نظر بند کر دِتا گیا ۔ راݨا بھگوان داس 65 سال دی عمر وچ عہدے توں ریٹائر ہو گئے ۔ اوہناں دی ریٹائرمنٹ توں بعد سارے معزول جج بحال ہو گئے ۔ راݨا بھگوان داس نوں اوہناں دی ریٹائرمنٹ دی عُمر گُزر جاݨ توں بعد بقایا دو مہینےآں واسطے جج تعینات کر کے معزولی والی مُدت پوری کروائی گئی ۔ اوہ نومبر 2009 توں دسمبر 2012 تک فیڈرل پبلک سروس کمیشن پاکستان دے چیئرمین وی رہے ۔ نومبر 2014 وچ جسٹس راݨا بھگوان داس نوں چیف الیکشن کمشنر مقرر کرن لئی ساریاں سیاسی جماعتاں ولوں اعتماد دا اظہار کیتا گیا پَر اوہناں نے عہدا سمبھالݨ توں معذرت کَر لئی ۔ جسٹس راݨا بھگوان داس اعلا عدلیہ وچ ہندو برادری نال تعلق رکھݨ آلے پہلے جج سی ۔ اوہ انتہائی چنگی شہرت دے حامل سی تے اپݨے سارے کیریئر دے دوران ہمیشا غیر متنازع ثابت ہوئے ۔

انتقال

راݨا بھگوان داس دا انتقال 23 فروری 2015 نوں ہویا ۔