پہلا صفہ کھولو
1932 دی فلم لئی ویکھو، پریسٹیج (فلم).


دی پریسٹیج 2006 وچ بنی اک بریٹیش-امریکی پراسرار ایڈوینچر فلم اے جسدی ڈریکشن کرسٹوفر نولن نے کیتی اے اتے اسدی سکرینپلے اسدے بھرا جوناتھن نولن نے کرسٹوفر پریسٹ دے 1995 دے ناول دی پریسٹیج توں لئی سی۔ اس فلم دی کہانی روبرٹ اینگیئر اتے ایلفریڈ بورڈن دے دوآلے گھمدی اے جہڑے اک-دوجے دے مخالف جادوگر ہن۔ ایہہ دوویں جادوگر 19ویں صدی دے انت دے سالاں وچ لندن وچ رہِ رہے ہن۔ سبھ توں زیادہ بھرماؤن والے جادو کرن اتے اک-دوجے نوں ہراؤن لئی بہت ہی دردناک نتیجیاں دا ساہمنا کرنا پیندا اے۔

دی پریسٹیج
فائل:Prestige poster.jpg
فلم دا پوسٹر
ہدایتکار کرسٹوفر نولن
بنان آلے
اسکرپٹ
بنیاد کرسٹوفر پریسٹ دی رچنا 
دی پریسٹیج
ستارے
میوزک ڈیوڈ جولیان
عکسبندی والی فسٹر
ادارت لی سمتھّ
محصولی
ادارہies
ونڈن آلے
تاریخ نمائش
  • اکتوبر 17, 2006 (2006-10-17) (ایل کپیتان تھئیٹر)
  • اکتوبر 20, 2006 (2006-10-20) ( امریکہ)
  • نومبر 10, 2006 (2006-11-10) (انگلینڈ)
ویلہ
130 منٹ
دیس
  • انگلینڈ[1]
  • امریکہ[1]
بولی انگریزی
لاگت $40 ملیان[2]
باکس آفس $109 ملیان[2]


اس فلم وچ ہیؤ جیکمین نے روبرٹ اینگیئر، کرسٹیئن بیل نے ایلفریڈ بورڈن اتے ڈیوڈ بووی نے نکولا ٹیسلا دے کردار ادا کیتے نیں۔ اس توں علاوہ اس فلم وچ سکارلیٹ جوہانسن، مائیکل کین، پائیپر پیرابو، اینڈی سیرکس اتے ریبیکا ہال نے وی اداکاری کیتی اے۔ اس فلم وچ نولن نے اداکار بیل اتے کین نال اک وار پھر توں کم کیتا اتے اس توں پہلاں ایہہ بیٹمین بگنز وچ وی اکٹھے کم کر چکے سن۔

ایہہ فلم 20 اکتوبر، 2006 نوں رلیز ہوئی سی اتے اسنوں بہت ودھیا آلوچناواں ملیاں۔ باکس آفس تے اسدے نتیجے شاندار سن۔ ایہہ فلم سبھ توں ودھیا سنیماٹوگرافی اتے سبھ توں ودھیا آرٹ ڈریکشن لئی اکادمی اوارڈ لئی وی نامزد ہوئی۔ سکوپ اتے دی الیوزنسٹ توں علاوہ ایہہ سال 2006 وچ رلیز ہون والی سٹیج جادوگراں دی دنیا تے مشتمل تیجی فلم سی۔

کہانیلکھو

سن 1890 وچ جادوگر اینگیئر اک بھرے ہوئے تھئیٹر وچ اک آدمی نوں اکدم دوجی تھاں بھیجن دا جادو وکھاؤندا اے۔ اسدا شریک جادوگر ایلفریڈ بورڈن سٹیج ہیٹھاں گھسڑدا جا رہا اے۔ ٹرک دے انت وچ اینگیئر اک لکویں باری ولوں سٹیج دے ہیٹھاں پئی اک پانی نال بھری پاردرشی ٹینکی وچ ڈگدا اے اتے بورڈن اسنوں ڈبدے ہوئے ویکھدا اے۔

بورڈن دے اپر قتل دے مقدمے وچ اینگیئر دا انجینیئر جون کٹر بیان دندا اے کہ بورڈن نے پانی دی بھری ٹینکی نوں لکویں باری دے ہیٹھاں کھسکا دتا سی تاں کہ اوہ اینگیئر نوں اسنوں اسدے جادو دے شو دوران قتل کر سکے۔ بوریئن نوں جیل وچ اک ایجنٹ لورڈ کالڈلو ملن لئی آؤندا اے جہڑا کہ بورڈن دیاں ساریاں جادو دیاں کراماتاں بدلے اسدی دھی جیس دی دیکھبھال کرن دی پیش کش رکھدا اے۔ اس دوران کالڈلو بورڈن نوں اینگیئر دی ڈائری دی اک کاپی دندا اے جسنوں جسنوں بورڈن پڑھن لگدا اے۔

کافی سال پہلاں اینگیئر اتے بورڈن جہڑے اک جادوگر ملٹن دے لئی شل (جہڑے آدمی لکویں طریقے نال اپنے-اپنے نوں خفیہ رکھ کے کسے جادوگر دا کم کردے ہن) دا کم کردے سن جس وچ کٹر اتے جولیا وی شامل سن، جہڑی کہ اینگیئر دی بیوی سی۔ ملٹن دا مشہور ٹرکّ پانی نال بھری ٹینکی والی ٹرکّ سی، جتھے کہ جولیا نوں رسیاں نال بنھ دتا جاندا سی اتے اک پانی نال بھری ٹینکی وچ سٹّ دتا جاندا سی جتھے کہ اوہ خود نووں آزاد کردی اے۔ اک وار بورڈن اسنوں اک فسلویں گنڈھ (Slip Knot) وچ بنھ دندا اے تاں جولیا اس گنڈھ نوں کھچّ کے آزاد نہیں ہو پاؤندی اتے اوہ پانی وچ ڈبّ کے مر جاندی اے۔ ایہہ ہون نال اینگیئر دے من نوں بہت ڈونگھی سٹّ لگدی اے اتے اندرو-اندر اسدا من بورڈن دے خلاف غصے نال بھر جاندا اے۔

بورڈن اپنا جادو دا پیشہ اکلا شروع کر دندا اے اتے اوہ ہمیشہ چپّ رہن والے پراسرار انسان فیلن نوں انجینیئر دے طور تے اپنے نال رکھدا اے۔ بورڈن دا ویاہ ساراہ نال ہو جاندا اے اتے اسدے گھر اک کڑی دا جم ہندا اے جسدا نام جیس اے۔ پر اوہناں دا رشتے وچ تیڑ آ جاندی اے کیونکہ ساراہ نوں لگدا اے کہ اوہ اس توں کجھ راز چھپا کے رکھدا اے اتے اوہ اس نال جھوٹھ بولدا اے۔ بورڈن دے پہلے شو تے اسدی گولی فڑن والی ٹرکّ نوں اینگیئر ولوں جان-بجھّ کے وگاڑ دتا جاندا اے جس نال بورڈن اپنیاں دو انگلاں گوا دندا اے۔ اینگیئر وی اپنا جادو دا پیشہ کردا اے جس وچ اوہ اولیویا وینسکومب نوں اپنی معاون دے طور تے رکھدا اے اتے کٹر نوں اپنے انجینیئر دے طور تے رکھدا اے۔ اینگیئر دے اک فائینل شو دے دوران بورڈن اسدی ٹرکّ (پنچھی غائب کرن والا جادو) نوں لوکاں دے ساہمنے ظاہر کر دندا اے جس نال اینگیئر دی ساخ نوں بہت سٹّ لگدی اے۔

اینگیئر نوں بورڈن دی نویں شاندار ٹرکّ د ٹرانسپورٹڈ مین (جس وچ اک آدمی نوں پلک جھپکدے ہی دوجی تھاں بھیجیا جا سکدا اے) دا پتہ لگدا اے اتے اوہ اسنوں چوری کر لیندا اے۔ کٹر اتے اولیویا، روٹ نوں لبھدے ہن جہڑا کہ اک وہلا ایکٹر اے اتے ویکھن وچ بالکل اینگیئر ورگا اے۔ د نیو ٹرانسپورٹڈ مین نوں بہت سفلتا ملدی اے پر اینگیئر اس توں کوئی بہتا خوش نہیں اے کیونکہ ٹرکّ دے انت وچ اسنوں سٹیج دے ہیٹھاں جانا پیندا اے اتے اسدے ہم شکل روٹ دے ساہمنے لوک تاڑیاں وجاؤندے ہن۔ بورڈن دی ٹرکّ دا اصل بھید جانن لئی اوہ اولیویا نوں اسدے پچھے لا دندا اے۔ پر اوہ بورڈن دی اس ٹرکّ وچ ہور سدھار کر دندی اے جس نال اسدی ٹرکّ ہور مشہور ہو جاندی اے۔ اس پچھوں بورڈن اینگیئر دے شو نوں خراب کردا اے، اسدی بے عزتی کردا اے اتے ٹرکّ دوران سٹیج ہیٹھاں گڑبڑ کرکے اوہ اینگیئر نوں زخمی وی کر دندا اے، جس نال اینگیئر ہمیشہ لئی لنگڑا ہو جاندا اے۔ اینگیئر اولیویا نال جھگڑدا اے جہڑی جواب وچ کہندی اے کہ اوہ بورڈن نوں پیار کردی اے اتے اینگیئر نوں بورڈن دی ڈائری دی اک کاپی دندی اے۔ ایہہ ڈائری پوری طرحاں کوڈاں نال لکھی ہوئی سی۔ اینگیئر اتے کٹر ملکے فیلن نوں اگواہ کر لیندے ہن اتے اس ولوں دسے کوڈورڈ ٹیسلا دا اپنے مطابق سٹہ کڈھدے ہن۔ اینگیئر، ٹیسلا نوں لبھن لئی امریکہ جاندا اے، اتے بورڈن دا اولیویا نال پیار جاری رہندا اے۔ ساراہ بورڈن دیاں حرکتاں توں بہت پریشان ہو جاندی اے اتے پوری طرحاں نراش ہو کے خدکشی کر لیندی اے۔

امریکہ جا کے اینگیئر سائنسدان نکولا ٹیسلا نوں ملدا اے اتے اسنوں کہندا اے کہ اوہ اسنوں اوہی مشین بنا کے دیوے جہڑی اسنے بورڈن لئی بنائی اے۔ ٹیسلا دے کم کرن دے دوران اینگیئر، بورڈن دی کوڈاں نال لکھی ڈائری دے مطلب جانن دی کوشش کردا اے اتے اسنوں پتہ لگدا اے کہ ایہہ صرف اک فریب اے۔ بورڈن منّ لیندا اے کہ ٹیسلا دا اسدی ٹرکّ نال کوئی لینا-دینا نہیں اے اتے بورڈن نے اوہ ڈائری اولیویا دے ہتھوں اس لئی بھجوائی سی تاں کہ اوہ دور جا سکے۔ اینگیئر ٹیسلا نوں اسدے بارے سوال کردا اے اتے ٹیسلا منّ لیندا اے کہ اسنے بورڈن دے کوئی اجیہی مشین نہیں بنائی سی جہڑی کسے آدمی نوں اک تھاں توں دوجی تھاں بھیج سکے۔ پر ٹیسلا اسنوں ایہہ وی کہندا اے کہ اسنے اسدے لئی اک اجیہی مشینی تیار کر لئی اے جس نال اک آدمی دا عکس دوجی تھاں تے کجھ دوری نال ویکھیا جا سکدا اے۔ جدوں ٹیسلا جاندا اے تاں اوہ اینگیئر نوں صلاحَ دندا اے کہ اوہ اس مشین نوں تباہ کر دیوے۔

لنڈن واپس آ کے اینگیئر د ریئل ٹرانسپورٹڈ مین دی شروعات کردا اے جس وچ اوہ مشین دی الیکٹریکل فیلڈ وچ غائب ہو جاندا اے اتے ہال دے اپر والی بالکونی وچ اکدم ظاہر ہو جاندا اے۔ اس ٹرکّ دی سفلتا توں پریشان بورڈن سٹیج دے پچھے ہون والی کاروائی دی جانچ کرن لئی جاندا اے اتے اوہ ویکھدا اے کہ اینگیئر اک لکویں باری راہیں اک پانی نال بھرے ٹینک وچ ڈگدا اے اتے مر جاندا اے۔ کٹر اسنوں موقعے تے ویکھ لیندا اے اتے بورڈن نوں گرفتار کر لیا جاندا اے۔

ہن بورڈن نوں دوشی قرار دے دتا جاندا اتے اسنوں موت دا حکم ہندا اے۔ اوہ لوورڈ کالڈلوو دیاں ساریاں شرطاں منّ لیندا اتے اپنے سارے بھید اسنوں دسّ دندا اے۔ جدوں کالڈلوو آؤندا اے تاں اوہ اسنوں اینگیئر دے روپ وچ پچھان لیندا اے۔ اینگیئر دی واپسی توں پریشان بورگن اپنی جان بچاؤن لئی اسدی منت کردا اے پر اینگیئر اس اتے ترس نہیں کردا۔ بورڈن نوں فانسی دے دتی جاندی اے اتے اسدے آخری شبد سن: آبرا کا ڈابرا۔ کٹر نوں پتہ لگدا اے کہ کالڈلوو اینگیئر دی مسین لے آیا اے۔ جدوں اوہ اسنوں مشین نوں تباہ کرن دے لئی ملدا اے تاں اسنوں پتہ لگدا اے کہ کالڈلوو ہی اینگیئر اے اتے اسدی موت اک دھوکھا سی۔ کٹر اینگیئر توں نراش ہو جاندا اے پر اوہ اس مشین نوں اپنے نجی تھئیٹر وچ لکاؤن لئی منّ جاندا اے۔

جدوں کٹر دا کم ختم ہو جاندا اے تاں اوہ تھئیٹر توں باہر نکلدا اے اتے اک اجنبی دے نالوں لنگھدا اے جہڑا کہ تھئیٹر وچ داخل ہو رہا ہندا اے۔ اوہ اجنبی اینگیئر نوں گولی ماردا اے اتے بورڈن دے روپ وچ خود نوں ثابت کردا اے۔ اینگیئر نوں اکدم احساس ہندا اے کہ اوہ ایلفریڈ بورڈن اے اتے فانسی تے چڑھن والا آدمی اسدا جڑوا بھرا سی۔ اوہناں وچوں اک بھرا دا ویاہ ساراہ نال ہویا سی اتے دوجا اسدی معاون اولیویا نوں پیار کردا سی۔ بورڈن، اینگیئر نوں کہندا اے کہ اوہ اپنی سفلتا دے لئی بہت دور پہنچ گیا سی۔ اینگیئر جواب دندا اے کہ اسنے اوہ سبھ لوکاں دا دل جتن لئی اتے اپنی دلی خواہش پورا کرن لئی ہی کیتا سی۔ اینگیئر مر جاندا اے اتے اسدی لالٹین نال تھئیٹر نوں اگّ لگ جاندی اے۔ بورڈن، کٹر دی ورکشاپ توں اپنی دھی جیس نوں چکدا اے۔ سڑ راے تھئیٹر وچ بہت سارے پانی دے پاردرشی ٹینک پئے ہندے ہن اتے جہناں وچ اینگیئر دے جائلی سریر سڑ راے ہندے ہن۔ ہریک شو وچ اینگیئر مشین نوں اپنا کلون بناؤن لئی استعمال کردا سی اتے آپ بالکونی وچ لک کے کھڑھا رہندا سی۔ اسے ٹرکّ دے کارن اسدا کلون پانی دی ڈگیا سی، جتھے اس ٹینکی دے کول بورڈن موجود سی۔

پاترلکھو

باہرلے لنکلکھو

حوالےلکھو