سکارلیٹ جوہانسن

سکارلیٹ جوہانسن
(انگریزی وچ: Scarlett Johansson)
Scarlett Johansson, wearing a pink dress, poses for the camera. 2008 وچ جوہانسن
پیدائشی نام	(انگریزی وچ: Scarlett Ingrid Johansson)
جم	22 نومبر 1984 (40 سال)  نیویارک شہر، نیویارک، امریکہ امریکہ
وفات
شہریت	امریکی دانش
نسل	اشکنازی یہودی
اکھاں دا رنگ	سبز
قد	160 سینٹی میٹر
استعمال ہتھ	بایاں
مذہب	یہودیت
مذہب	یہودیت
جماعت	ڈیموکریٹک پارٹی
رکنیت	اکیڈمی آف موشن پکچرز آرٹس اینڈ سائنسز
شریک حیات	ریان ریئنلڈس (ش. 2008; طلاق 2011) رومین ڈوریاک (ش. 2014; طلاق 2017)
اولاد	1
تعداد اولاد	2
عملی زندگی
مادر علمی	لی اسٹریسبرگ ٹھیٹر اینڈ فلم انسٹی ٹیوٹ
پیشہ	اداکارہ گائکہ
مادری زبان	امریکی انگریزی
پیشہ ورانہ زبان	امریکی انگریزی ،  انگریزی
دور فعالیت	1994 توں ہن تک
اعزازات
پوری لسٹ
نامزدگیاں
آسکر اعزاز برائے بہترین اداکارہ (۲۰۲۰)  آسکر اعزاز برائے بہترین معاون اداکارہ (۲۰۲۰) بافٹا ایوارڈ برائے بہترین اداکارہ مرکزی کردار میں (۲۰۲۰) بافٹا ایوارڈ برائے بہترین اداکارہ معاون کردار میں (۲۰۲۰) بافٹا ایوارڈ برائے بہترین اداکارہ مرکزی کردار میں (۲۰۰۴)
دستخط
	IMDB اُتے صفحہ

سکارلیٹ انگرڈ جوہانسن (/dʒoʊˈhænsən/; جم نومبر 22, 1984) اک امریکی گلوکارہ اتے اداکارہ اے۔ اوہ 2014 توں 2016 تک ایکٹر دے طور تے پوری دنیا وچ سبھ توں ودھ پیسے حاصل کرن والی اداکارہ سی۔ اسنوں فوربس سیلیبرٹی 100 وچ کئی وار شامل کیتا جا چکا اے۔ اوہ ہالیوڈّ واک آف فیم وچ وی شامل اے۔ اسدا جم مینہٹن، نیویارک شہر وچ ہویا اتے اسنوں اپنے بچپن توں ہی اک اداکارہ بنن دا شوق سی۔ اسدی سٹیج اپر پہلی کردار آف-براڈوے وچ اک بال کلاکار دے رول وچ سی۔ جوہانسن دے فلماں وچ شروعات اک کالپلک کامیڈی فلم نورتھ (1994) تو ہوئی۔ اسدی دوجی فلم مینی اینڈ لو (1996) سی جس وچ اسنوں انڈیپینڈینٹ سپرٹ ایوارڈ لئی نامزد کیتا گیا سی۔ اسنوں فلماں دی دنیا وچ ودھیرے سفلتا د ہارس وسپرر (1998) اتے گوسٹ ورلڈ (2001) نال ملی سی۔

جوہانسن نے 2003 توں بالغ اداکار دے طور تے فلماں وچ کم کرنا شروع کیتا جس وچ لوسٹ ان ٹرانسلیشن (جس لئی اسنوں مکھ رول وچ سبھ توں ودھیا اداکارہ لئی بافٹا ایوارڈ ملیا سی۔) اتے گرل ود اے پرل ائرنگ شامل ہن۔ اسنوں ایہناں فلماں چار وار گولڈن گلوب ایوارڈ لئی نامزد کیتا گیا۔ اس توں علاوہ کھجھے ہوئے بالغ دے طور تے اسنوں فلم اے لوَ سونگ فار بوبی لونگ (2004) اتے اک نفسیات رمانچ فلم میچ پوائنٹ (2005) لئی وی اسنوں اس ایوارڈ لئی نامزد کیتا گیا سی۔ اس دور دیاں ہور فلماں وچ رہسمئی رمانچک فلم دِ پریسٹیج (2006) اتے کامیڈی-ڈرامای وکی کرسٹینا بارسیلونا (2008) وی شامل ہن۔ اسدیاں دو ایلبماں وی رلیز ہوئیاں سن: اینیویئر آئی لیے مائی ہیڈ (2008) اتے بریک اپ (2009)، ایہہ دوویں ایلبماں بلبورڈ 200 دی لسٹ وچ شامل سن۔

2010 وچ جوہانسن نے بروڈوے وچ کم کرنا شروع کیتا جس وچ اسنے اے ویو فروم دی برج فلم وچ کم کیتا، جس لئی اسنوں ٹونی اوارڈ نال نوازیا گیا گیا سی۔ اسے سال پچھوں اسنے مارول سنیمیٹک یونیورس وچ بلیک وڈو وچ کم کرنا شروع کیتا۔ اسنے 2013 دی اک کامیڈی-ڈراما فلم ہر لئی اک بہت ہی ہشیار کمپیوٹر آپریٹنگ سسٹم دی آواز دے روپ وچ کم کیتا۔ اس توں علاوہ اسنے اسے سال اک ہور سائنسی سوچ فلم انڈر دِ سکن وچ اتے 2014 وچ سائنسی سوچ تے مشتمل اک ہور بہت مشہور فلم لوسی وچ کم کیتا جس وچ اسنوں اپنے دماغ دا 100 فیصد حصہ کم کردے دکھایا گیا اے۔ اوہ 2016 وچ دنیا وچ سبھ توں ودھ پیسے لین والی اداکارہ سی اتے اس توں علاوہ مئی 2017 توں اوہ ڈالراں وچ اتری امریکہ دی سبھ توں ودھ پیسے کماؤن والی اداکارہ اے۔

عوامی طور تے جوہانسن نوں ہالیوڈّ دے سیکس سمبل دے طور تے جانیا جاندا اے۔ اوہ اک پرمکھ سیلیبرٹی برانڈ اے اتے اوہ بہت سارے دان مشتمل کماں نال وی جڑی ہوئی اے۔ اسدا دو ویاہ ہویا اے، اسدا پہلی وار ویاہ اک کنیڈیئن ایکٹر ریان ریئنلڈس نال 2008 وچ ہویا اتے اس نال اسدا طلاق 2011 وچ ہویا۔ اسدا دوجا ویاہ اک فرانسیسی کاروباری رومین ڈوریاک نال 2014 وچ ہویا (جس توں اسنوں اک کڑی اے) اتے اس نال اسدا طلاق 2017 وچ ہویا۔

مڈھلا جیون

سکارلیٹ جوہانسن دا جم نیویارک شہر وچ 22 نومبر، 1984 نوں ہویا سی۔ اسدا پیؤ کارسٹن جوہانسل اک ڈینش مول دا اک آرکیٹیکٹ سی جہڑا کہ مول طور تے کوپنہیگن دا سی۔ اسدا دادا ایجنر جوہانسن اک سکرین-لیکھک اتے ڈائریکٹر سی۔ اسدی ماں میلانی سلون اک پروڈیؤسر سی جہڑی دی برونکس دے اک اشکنازی یہودی پروار توں سی۔ میلانی دے پرکھے منسک توں نیویارک آئے سن۔ اسدی اک وڈی بھین اے جسدا نام ونیسا اے جہڑی اداکارہ اے۔ اسدا اک وڈا بھرا اے، جسدا نام ایڈریئن اے اتے جڑوا بھرا ہنٹر اے جہڑا کہ مینی اینڈ لو فلم وچ نظر آیا سی۔ اس توں علاوہ اسدا اک ہور بھرا وی اے جسدا نام کرسٹیئن اے اتے اسدے پیؤ دے پہلے ویاہ توں پیدا ہویا سی۔

سیاست

جوہانسن اک آزاد ووٹر دے طور تے رجسٹر اے۔ اسنے 2004 دیاں امریکہ دیاں راشٹریپتی چوناں وچ ڈیموکریٹک پارٹی دے اک امیدوار جان کیری دے حق وچ کم وی کیتا سی۔ 2004 وچ جارج بش دے مڑ چناء تے اسنے اپنی ناراضگی وی دکھائی سی جس وچ اسنے کیہا سی "میں نا امید ہاں۔ مینوں لگدا اے کہ ایہہ آبادی دے وڈے حصے لئی مایوسی اے۔"

حوالے