دلیپ کور ٹواݨا

بھارتی لیکھکا
(دلیپ کور ٹوانہ توں مڑجوڑ)

دلیپ کور ٹوانا اجوکے پنجابی ساہت (ادب) دی ناول کار تے نکی کہانی دی لکھاری اے۔اس نے زیادہ تر مظلوم عورتاں دی ذہنیت اتے اوہناں دے سماج وچ نچلی سطح دی حالت بارے لکھیا اے۔ اس دے ناولاں دیاں کجھ عورتاں پڑھیاں لکھیاں یاں مالی طور تے مضبوط ہون دے باو جود وی معاشرے وچ برابری دا اظہار نہیں کر سکدیاں نہ ہی اوہ اک ڈر تھلے رہ کے ٹبر تے سماج وچ برابری دا دعوی کردیاں ہن۔ دلیپ کور ٹوانہ پنجاب دے لدھیانہ ضلعے دے پنڈ رابون وچ 1935 وچ جنمی۔ پنجاب یونیورسٹی توں اس نے پنجابی وچ ایم اے کیتا اتے یونیورسٹی وچ پنجابی دی پی ایچ ڈی کرن والی اوہ پہلی ناری سی۔اجکل اوہ پنجابی ینورسٹی دے پنجابی ڈیپارٹمنٹ وچ پنجابی دے پروفیسر دے عہدے تے کم کر رہی اے۔

دلیپ کور ٹوانا

اپنے ناول ‘ایہہ ہمارا جیونا’(This our Life 1969) لئی اس 1971 وچ ساہت اکیڈمی انعام حاصل کیتا۔ٹوانا نے پہلا ناول 'اگنی پریکھیا'(The Ordeal of Life) لکھیا،جس توں بعد اس نے ناولاں دی اک کڑی ہی؛ ‘واٹ ہماری’(Our path 1970)، ‘تیلی دا نشان’(mark of Nose Pin،1971) ، ‘سورج تے سمندر’(Sun and Ocean،1972)، ‘دوسری سیتا’(Second Sita،1975)، ‘سرکنڈے دا دیش’، ‘دھپّ چھاں تے رکھ’، ‘لمی اڈاری’ تے تتکالین ناول ‘پیلے پتیاں دی داستاں’ لکھ دتی۔ناولاں توں علاوہ ، سوے جیونی (سوانع عمری) ‘ننگے پیراں دا سفر’ دے سرلیکھ ہیٹھ لکھی ہے۔ٹوانا نے چھ کہانی سنگرہ سادھنا، ‘یاترا’، ‘کس دی دھی’، ‘اک کڑی’، ‘تیرا میرا کمرہ’ اتے ‘مالن’ وی چھپوائے ہن۔اسدے کہانی سنگرہاں دے انگریزی ،ہندی تے اردو وچ ترجمے ہو چکے ہن تے ایہہ لکھتاں کئی ادبی پرچےآں وچ چھاپیاں جا چکیاں ہن۔ٹوانا دے ناولاں تے کہانیاں دے کردار مظلوم تے دبے ہوئے پینڈو لوک ہن جنہاں دیاں حسرتاں کچلیاں جاندیاں رہیاں ہن۔ عورت دی ذہنیت دی گنجھل دار اندرونی دبدھا اس دا مکھ موضوع اے۔ ادب چ وڈیاں لکھتاں توں علاوہ اس نے دو کتاباں ادبی پڑچول تے وی لکھیاں ہن۔ دلیپ کور ٹوانا نے کئی دیسی تے بدیسی تنظیماں توں ادبی اعزاز حاصل کیتے ہن ۔