خان جہاں بہادر ظفر جنگ کوکلتاش

خان جہاں بہادر ظفر جنگ کوکلتاش
جم
وفات

مقبرہ خان جہاں بہادر کوکلتاش، لاہور

خان جہاں بہادر ظفر جنگ کوکلتاش (وفات: 23 نومبر 1697ء) عہدِ عالمگیری وچ مغل صوبیدار لاہور تے مغل سالار سن۔ خان جہاں بہادر توں متعلق تاریخی حقائق بہت کم میسر ہوئے نیں البتہ عہدِ عالمگیری دے مؤرخ خافی خان نظام الملک دی تصنیف منتخب اللباب وچ خان جہاں بہادر توں متعلق تاریخی معلومات ملدیاں نیں۔

لاہور دی صوبیداری

1680ء وچ لاہور دی نظامت دے سلسلے وچ اِختلاف پیدا ہو گئے سن جنہاں نوں دور کرنے دے لئی مغل شہنشاہ اورنگزیب عالمگیر نے مغل شہزادہ محمد اعظم کو لاہور دا صوبیدار مقرر کر دتا۔ بعد وچ اِس منصب اُتے مکرم خان تے سپہ دار خان وی مقرر کیتے گئے۔ 11 اپریل 1691ء نوں خان جہاں بہادر نوں لاہور دی صوبیداری اُتے مقرر کیتا گیا۔

معزولی

312x312پکسل

خان جہاں بہادر تقریباً ڈھائی سال تک لاہور دی نظامت اُتے مقرر رہیا۔ جون 1693ء وچ مغل شہنشاہ اورنگزیب عالمگیر نے خان جہاں بہادر نوں لاہور دی نظامت توں معزول کر دتا جس دے بعد خان جہاں بہادر چار سال تک شہنشاہ دے زیر عتاب رہیا۔ ایہ تمام مدت لاہور وچ ہی بسر ہوئی۔

کردار

خان جہاں بہادر باوقار، فتح نصیب، صاحبِ تدبیر امیر سی۔ خان جہاں بہادر نے 22 بڑی جنگاں وچ فتح حاصل کیتی۔ اِنہاں ساریاں جنگاں وچ خان جہاں بہادر گہرے زخماں دا شکار ہویا مگر ہر جنگ وچ نیک نامی و فتح حاصل کیتی۔

وفات تے مدفن 

ہور ویکھو: مقبرہ خان جہاں بہادر کوکلتاش

1693ء وچ معزولی دے بعد خان جہاں بہادر غریبی دی زندگی بسر کردا رہیا۔ آخری عمر وچ اوہ مغل شہنشاہ اورنگزیب عالمگیر دے زیرِ عتاب سی۔ بروز ہفتہ 9 جمادی الاول 1109ھ مطابق 23 نومبر 1697ء نوں خان جہاں بہادر نے لاہور وچ وفات پائی۔ تے خان جہاں بہادر نوں لاہور وچ مغلپورہ دے نزدیک دفن کیتا گیا جتھے بعد وچ اُس دا شاندار مقبرہ خان جہاں بہادر کوکلتاش دسمبر 1697ء توں 1698ء دے درمیان تعمیر کیتا گیا۔

ہور ویکھو

• مقبرہ خان جہاں بہادر کوکلتاش

پیشرو سپہ دار خان

صوبیدار ناظم لاہور 21 اپریل 1691ء – جون 1693ء

جانشین مہابت خان ابراہیم

حوالے