خاندیش سلطنت

فاروقی شاہی خاندان خاندیش سلطنت تے 1382 توں 1682 وچ مغل بادشاہ اکبر دے قبضے توں پہلے تک راج کرن والا ٹبر سی۔ اس شاہی خاندان دے بانی ملک احمد (جس نوں ملک راجا وی کہندے ہن) اپنے مڈھلے سالاں وچ بہمنی حکمران محمد شاہ 1 دے خلاف بغاوت وچ حصہ لیا۔ جدوں اسنوں دکن ول بھجن لئی مجبور کیتا گیا تاں اسنے تاپتی دریا دے کنارے تھالنیر وچ (اج دے مہاراشٹر دے دھلے ضلعے) وکھے خود نوں قائم کیتا۔ 1370 وچ فیروز شاہ تغلق توں تھالنر اتے کرنڈا (حال ویلے وچ کراوند، تھلنیر دے 19 کلومیٹر اتر ول) دی جاگیر ملن توں بعد اسنے تھلنیر دے آلے-دوآلے دا علاقہ جت لیا جس نوں بعد وچ خاندیش (خاناں دی دھرتی) دے ناں نال جانیا جاندا سی۔ ۔ 1382 تک، اسنے آزاد طور اُتے راج کرنا شروع کیتا۔ ملک راجا اپنے آپ نوں دوجے خلیفہ عمر فاروق دی نسل توں ہون دا دعوہ کیتا۔

بھارت دے مدھیہ پردیش صوبے دے ضلع برہان پور وچ اسیرگرھ قلعہ

تھالنیر

برہان پور

اسیر گڑھ

خاندیش سلطنت دے راجگڑھ

اس لئی، اس ولوں قائم ٹبر فاروقی شاہی خاندان دے ناں نال جانیا جاندا سی۔ اگلے حکمران، ناصر خان نے اسیرگڑھ قلعے نوں جت لیا اتے اس نوں اپنا راجگڑھ بنایا۔ 1399 وچ اس نے نویں راجگڑھ برھان پور دا قیام کیتا۔ اس گھرانے دا سبھ توں شاندار حکمران عادل خان دوجا سی۔ اپنے لمبے راج دے دوران، برھان پور وپار اتے ٹیکسٹائیل دے پیداوار لئی اک پرمکھ مرکز بن گیا سی۔ 1599 وچ، اکبر دی فوج نے برھان پور اتے قبضہ کر لیا اتے 17 جنوری 1601 نوں اسیرگڑھ دے قلعے نوں وی لمبا گھیرابندی توں بعد جت گیا۔ آخری حکمران بہادر شاہ نے مغلاں اگے سرنڈر کر دتا۔ خاندیش مغل صوبہ بن گیا فاروقی شاہی خاندان دے حکمراناں نوں ہندواں اتے شیعہ دے خلاف لڑائیاں لئی جانیا جاندا اے ۔

فاروقی راجٹبر دے حکمران

خطاب/ناں	راج دور
Malik Raja ملک راجہ	1382 – 1399 .
بہمنی سلطنت توں بطور خاندیش سلطنت آزاد
Nasir Khan ناصر خان	1399 – 1437
Miran Adil Khan I میران عادل خان اول	1437 – 1441
Miran Mubarak Khan میران مبارک خان	1441 – 1457
Miran Adil Khan II میران عادل خان دوم	1457 – 1501
Daud Khan داود خان	1501 - 1508
Ghazni Khan غزنی خان	1508
Alam Khan عالم خان	1508 – 1509
Adil Khan III عادل خان تریہم	1509 – 1520
Miran Muhammad Shah I میران محمد شاہ اول	1520 – 1537
Miran Mubarak Shah میران مبارک شاہ	1537 – 1566
Miran Muhammad Shah II میران محمد شاہ دوم	1566 – 1576
Hasan Khan حسن خان	1576
Raja Ali Khan راجہ علی خان	1576 – 1597
Bahadur Shah بہادر شاہ	1597 - 1601 (died 1624)
مغل بادشاہ اکبر نے فتح کیتا

ہور ویکھو

• فاروقی
• سنی راجٹبراں دی لسٹ
• بہمنی سلطنت

حوالے

1. .
2. .

باہرلے جوڑ

• A copper coin of Nasir Khan Archived 2011-07-28 at the وے بیک مشین
• A copper coin of Bahadur Shah Archived 2011-07-28 at the وے بیک مشین